🌹ସ୍ବପ୍ନ ମରୀଚିକା🌹

ତୁମେ ସତ ଚେଷ୍ଟା କରିମଧ୍ଯ

ବାନ୍ଧି ପାରିବନି ମୋତେ,

ତୁମ ଅୟୂତ ଆଶାର 

ସ୍ବପ୍ନ ମାନଙ୍କ ମଧ୍ଯରେ 

ଦୁଇ ନୟନର ପରିବେଷ୍ଟିନୀର ଭିତରେ ।

ତୁମେ ଯେତେ ଚେଷ୍ଟା କଲେ ମଧ୍ଯ

ଧରି ପାରିବନି ମୋତେ,

ତୁମ ମନ ବଗିଚାର

ନାନା ରଙ୍ଗବେରଙ୍ଗରେ

ସ୍ବପ୍ନର ପ୍ରଜାପତି ବସିଥିବା ଫୁଲଟି ଉପରେ ।

ତୁମେ ଯେତେ ଧାଁଧପଡ଼ କଲେ ମଧ୍ଯ

 ଛୁଇଁ ପାରିବନି ମୋତେ,

ଅବଶତା ସ୍ପର୍ଶିଥିବ ଥକ୍କାପଣର

ସବୁ ଚେଷ୍ଟା ଯିବ ବ୍ଯର୍ଥରେ

ସ୍ବପ୍ନ ମରୀଚିକା ଉଭେଇ ଯାଇଥିବ ନୂଆ ସକାଳରେ ।