ସ୍ବଭାବ
ସ୍ବଭାବ
ଦେଖିଲି ଦୁନିଆଁ ଲୋକଙ୍କ ସ୍ବଭାବ
ଯଦି କବାଟଟା ବନ୍ଦ ରଖୁଛି
ସମସ୍ତେ ଚାହିଁବେ ଛିଦ୍ର ଦେଖି ଉଣ୍ଡି
ଜାଣିବେ ଭିତରେ କ'ଣ ଚାଲିଛି।
ଘର କବାଟଟା ଖୋଲା ରଖିଦେଇ
ଯେ ଦେଖିବ ଦେଖୁ ଭାବିଲି ଥରେ
ବାଟେ ଯାଉଥିଲେ ଅନେକ ବାଟୋଇ
କେହି ଚାହିଁଲେନି ଆଡ ଆଖିରେ।
ଦସ୍ତୁର୍ ଏମିତି ଦେଖି ଦୁନିଆଁର
ଆବାକାବା ସତେ ମୁଁ ହେଇଗଲି
କେମିତି ଗୁପତ ରଖିବି ମୋ ଘର
ଭିତର କଥାକୁ ଭାବି ବସିଲି।
ମିଛର ଢାଙ୍କୁଣୀ ଯେତେ ଢାଙ୍କିଲେ ବି
ସତ କଥାଟା ତ ଆଗ ଦିଶିବ
ସେଥିପାଇଁ ସତ ଖୋଲି କହିଦେଲେ
ସବୁ କଥା ଏକାବେଳେ ସରିବ।