ସ୍ବାଧୀନତା
ସ୍ବାଧୀନତା
ସ୍ବାଧୀନତା ଦିଏ ସମାନତା ରକ୍ଷା
ଶାନ୍ତି ସନ୍ତୋଷ ସଦଭାବ
ପ୍ରତିଷ୍ଠା ପାଇଁ କି ଚେଷ୍ଟା କରିଥାଏ
ଦୂରେଇ ଦିଏ ଅଭାବ ।
ମଣିଷ ଜୀବନ ଆରମ୍ଭରୁ ଶେଷ
ଯାଏ ଥାଏ ନିତି ବିତି
ଏଇ ସ୍ବାଧୀନତା ମଧ୍ଯରେ ଦିବ୍ୟତା
ଆନନ୍ଦ ଉଲ୍ଲାସ ଦୀପ୍ତି ।
ପରିପୂର୍ଣ୍ଣ ଧାରା ଅବ୍ୟାହତ ଧାରେ
ଆଲୋକିତ ସେ କରାଏ
ଜୀବନରେ ବଡ ହେବାପାଇଁ ପୁଣି
ଅଭି ପ୍ରେରଣା ସଞ୍ଚାରେ ।
ସ୍ୱାଧୀନ ଜୀବନେ ପବିତ୍ର ଉତ୍ସାହ
ଜାଗୃତି ସ୍ରୋତ ପ୍ରବାହ
ଉଠୁଥାଏ ନିତି , ସ୍ୱାଭିମାନ ପାଇଁ
ଦିଅଇ ପୁଣି ଉତ୍ସାହ ।
ସ୍ବାଧୀନତା ଅଟେ ସର୍ବୋତ୍ତମ ଭାବ
ନିଜର ଶାସନେ ଚଳି
ସ୍ବାଧୀନତା ବିନା ଜୀବନେ ଉଠଇ
ଅଶାନ୍ତି , ତାପ କୁହୁଳି ।