ସାତବାର
ସାତବାର
ଭାରି ମଜା ଲାଗେ ସାଙ୍ଗ-ସାଥୀ ମେଳେ ଆଜି ରବିବାର ଦିନ,
ପାଠ ଚିନ୍ତାନାହିଁ ଖାତା ଦେଖାନାହିଁ ଖେଳ ପଡ଼ିଆରେ ମନ | (ଘୋଷା )
ସୋମବାର ସିନା ଶିବଙ୍କର ବାର ଉପବାସ କରେ ଆଈ,
ମଙ୍ଗଳବାରକୁ ହାଟ ବସିଗଲେ ଅଜା ଆଣିଦେବେ ବହି |
ମାମୁ ଆସିଯିବେ ବୁଧବାର ଦିନ ମନହୁଏ ଛନଛନ |
ଭାରି ମଜା ଲାଗେ ସାଙ୍ଗ-ସାଥୀ ମେଳେ ଆଜି ରବିବାର ଦିନ |(1)
ଦେବତାଙ୍କ ଗୁରୁ ବୃହସ୍ପତି ନାମେ ପଡ଼େ ଗୁରୁବାର ସିନା,
ଶୁକ୍ରବାର ପୁଣି ଶୁକ୍ର ଗୁରୁଙ୍କର ଶୁଭଦିନ ଭାବେ ଗଣା |
ଅଧାଛୁଟି ମଜା ଆଣେ ଶନିବାର ମନ କରିଦିଏ ଟାଣ |
ଭାରି ମଜା ଲାଗେ ସାଙ୍ଗ-ସାଥୀ ମେଳେ ଆଜି ରବିବାର ଦିନ | (2)