ସାର୍ଥକ ଜୀବନ

ଅମର ଗାଥା     ଗାଏ ଦୁନିଆଁ

ଜୀବନକୁ ଦେଲେ ବଳିଦାନ,

କର୍ମ ହୋଇଲେ     ସ୍ୱାର୍ଥବିହୀନ

ସେବା ଭାବ ହୁଏ ଆଗମନ ।୧।

ଥିଲେ ଯେତେବି     ଧନ ରତନ

ଚରିତ୍ର ନଥିଲେ ମୂଲ୍ୟହୀନ,

ଗଲେ ଚାଲି ତ     ସ୍ୱାଭିମାନ ଟି

ନିରର୍ଥକ ହେବ ଏ ଜୀବନ ।୨।

ବଡ଼ ହେବାର     ଆଶାର ଆଗେ

ଭାଙ୍ଗୁ ତୁ କିଆଁ ନୀତି ସଂସ୍କାର,

ଭଲ ହୋଇଲେ     ଚାରିଦିଗରେ

ମିଳିବ ତତେ କେତେ ଆଦର ।୩।

ପ୍ରେମର ପୁଷ୍ପ     ଫୁଟିଲେ ଗୃହେ

ଭକ୍ତିର ଭାବ ହୋଇବ ଜାତ,

ସମର୍ପଣର     ଭାବନା ଘେନି

ବିଶାଳ କର ନିଜର ଚିତ୍ତ ।୪।

ସତ୍ୟ ଓ ପ୍ରେମ     ନିଷ୍ଠାର କର୍ମ

ଵ୍ୟର୍ଥ ନଯାଏ ଏସବୁ ଶ୍ରମ,

ମୂଲ୍ୟହୀନ ଯେ     ଦାନ ତୋହର

ଯେଉଁଠି ଲେଖା ନିଜର ନାମ ।୫।

ମାନବ ସେବା     ମାନବିକତା

ପାଇଁ କାହିଁକି ଲାଗେ ସରମ,

ଜୀବନ ଯୁଧ୍ୟେ     ମାନିଲେ ଧର୍ମ

ସାର୍ଥକ ହେବ ଏହି ଜନମ ।୬।