ସାଇତି ରଖିଛି

ସାଇତି ରଖିଛି ଅଭୁଲା ସ୍ମୃତିକୁ

ମନରେ ହୃଦୟେ ମୋର

ଭୁଲିବି କେମିତି ପଛକଥା ସବୁ

ସୁନା ଜହ୍ନ ଥିଲୁ ମୋର

ବିଚଳିତ ଥିଲେ ମୁରୁକି ହସରେ

ମନ ନେଉଥିଲୁ କିଣି.

ଅବୁଝା ମନକୁ ବୁଝେଇ ହସେଇ

ନେଉଥିଲୁ ପାଖେ ଟାଣି

ପ୍ରେମର ପୀରତି ଶିଖାଇଲୁ ଧନ

ନାୟିକା ପ୍ରେମିକା ସାଜି

ସାତପର କରି ଚାଲିଗଲୁ ସିନା

କାନ୍ଦୁଛି ହୃଦୟ ଆଜି

ଦେଇଥିଲୁ କଥା ରଖି ହାତେ ମଥା

ସାତ ଜନମ ତୁ ସାଥେ ରହିବୁ

କଣ୍ଟା ପଡ଼ିଥିଲେ ଚାଲିବା ବାଟରେ

ଫୁଲରେ ବିଛାଇ ଦେବୁ

ଜାଣିଲି ଦୁନିଆ ସ୍ୱାର୍ଥପର ବୋଲି

ସାଜି ପ୍ରେମିକ ତୋ ଜୀବନେ

ଜିଇଁଥିବା ଯାଏ ମରିବା ଯାଏଁ ଲୋ

ରଖିଥିବି ତୋତେ ମୋ ମନେ