ସ୍ଵାଗତଂ ନବ ବର୍ଷ
ସ୍ଵାଗତଂ ନବ ବର୍ଷ
ନୂଆ ବରଷର ପହିଲି କିରଣ
ସମୃଦ୍ଧି ବିଭବି ହେଉ ,
ଅପସରି ଯାଉ ରୋଗଶୋକ ଦୁଃଖ
ଦୁଃଖୀଜନ ହସିଦେଉ !1!
ବ୍ରହ୍ମାଣ୍ଡ ଠାକୁର ଜଗତ ଈଶ୍ଵର
ଜୟ ଜୟ ଜଗନ୍ନାଥ ,
କରୁଣାର ଫୁଲ ଝରି ପଡୁ ସତ
ପାଦ ପଦ୍ମେ ପ୍ରଣିପାତ !2!
କୋଡିଏଟା ଆସୁ ଉଣେଇଶି ଯାଉ
ସ୍ଵାଗତ ବିଦାୟ ପର୍ବ ,
ଅଭିନନ୍ଦନରେ ସର୍ବେ ଉଜାଗରେ
ନିଆରା ସମ୍ପର୍କ ଭାବ !3!
ନୂଆ ବରଷର ନୂଆଗୀତ ମୋର
ସ୍ପନ୍ଦନ ଶବଦ ହେଉ ,
ପାଠକ ପାଠିକା ସମ୍ପଦ କଣିକା
ଭାବନାରେ ନାଆଁ ରହୁ !4!
ପ୍ରେମଫୁଲ ବର୍ଷା ସଭିଁଙ୍କ ସଦିଚ୍ଛା
ଅବିରତେ ପଡ଼ୁ ଝରି ,
ଶତାବ୍ଦୀ ବିଜୟ ବିଂଶତା'ର ହସ
ଶୁଭ ଫଳେ ବିଭାବରୀ !5!
ପ୍ରେମର ପ୍ରେମିକା ସର୍ବଜନାଦୃତା
ଭଲପାଉ ମନଭରି ,
ପ୍ରେମ ଫଗୁରଙ୍ଗ ବାସୁ ମହମହ
ହସିଦେଉ ସୁନାଗୋରି !6 !
ଅସୁମାରି ଆଶା ନହେଉ ନିଆଶା
ସର୍ବସୁଖ ହେଉ ପ୍ରାପ୍ତ ,
ହସର ଜୁଆର ଖୋଲୁହେ ' ଦୁଆର
ଲୁହ ହୋଇ ଯାଉ ସୁପ୍ତ !7!
ପାପର ବିଲୟ ହେଉ ଆହେ'ନାଥ
ଏତିକି ବିନତି ଅଳି ,
ଅପସରି ଯାଉ ବ୍ୟଭିଚାରି ସତ
ଲାଗିବନି ଆଉ କଳି !8!
ମାନ ଅଭିମାନ ରାଗଋଷା ପଣ
ରଖ ନାହିଁ କେହି ମନେ ,
ଆନନ୍ଦ ମନରେ ବୋଲିବା ସରବେ
ସ୍ଵାଗତମ ଜାଗରଣେ !9!
ଏନବ ବରଷ ପ୍ରୀତିର ପରଶ
ପ୍ରେମଫୁଲ ମହକିବ ,
ହେ'ପ୍ରଭୁ ଗୋସାଇଁ ଜଗତର ସାଇଁ
ଅଜାଡି ଦିଅ ବିଭବ !10!