ସାଦି ଡଟ୍ କମ୍

ସେ କାଳ ପଖାଳ ପୁରୁଣା ହେଲାଣି 

ଆସିଛି ମର୍ଡନ ଯୁଗ 

ଆଙ୍ଗୁଠି ଟିପ ରେ ସବୁକିଛି ମିଳେ

ଯାହା କୁ ଯେମିତି ବାଗ ।

ଇଣ୍ଟରନେଟ୍ ଯୋଗେ ହେଉଛି ବିବାହ 

ଲୋଡ଼ା ନାହିଁ ମଧ୍ୟସ୍ଥି ର 

ସାହି ପଡିସା କି ବନ୍ଧୁ ବାନ୍ଧବ ଙ୍କୁ

ନାହିଁ ତେଲ ମାରିବାର ।

ମାଉସ୍ କ୍ଲିକ୍ ରେ ଖୋଲି ହୋଇ ଯାଏ

ହଜାର ହଜାର ତାଲିକା

ବର ହେଉ ଅବା କନ୍ୟା ପାତ୍ରୀ ହେଉ 

ଟ୍ରେଣ୍ଡ ଏ ଆଜି କାଲିକା ।

ମନ ଲାଖି ସାଥି ନିଜ ପସନ୍ଦ ର 

ଖୋଜା ଖୋଜି କଲେ ମେଳ

ଆମେରିକା ପୁଅ ଭାରତ ଝିଅ କୁ 

ଗୁଜୁରାଟୀ କୁ ବଙ୍ଗାଳ ।

ସାରା ବିଶ୍ୱ ର ପାତ୍ର ପାତ୍ରୀ ଆଜି

ଗୋଟିଏ ମଞ୍ଚ ରେ ଠିଆ

ରେଜିଷ୍ଟର କରି ନିଜର ଠିକଣା 

ପ୍ରସ୍ତାବ ଦିଆ ନିଆ ।

ନିଜର ପସନ୍ଦ ନିଜର ଯୋଗ୍ୟତା 

ରୁଚି ଅରୁଚି ବୟସ

ଚେହେରା ଚଳଣି ବ୍ୟକ୍ତିଗତ ତଥ୍ୟ

ଥାଏ ସେଥିରେ ଅଶେଷ ।

ମନୋନୀତ କରି ମନ ଲାଖି ସାଥି

 ଚାଟିଙ୍ଗ୍ ରେ ହୁଏ ଆଳାପ 

 ପସନ୍ଦ ହୋଇଲେ କଥା ବଢି ଚାଲେ 

 ବିବାହ ରେ ହୁଏ ମେଳାପ ।

ସାଦି ଡଟ୍ କମ୍ ଭର୍ ଚୁଆଲ୍ ବିବାହ

ଲୋକ ପ୍ରିୟ ଆଜି କାଲି

ଯୁବ ସମାଜ ର ଭାଵ ଦିଆ ନିଆ

ହୁଏ ସହଜ ରେ ବୋଲି  ।

ସୁଖ ମୟ ହୁଏ ସଂସାରି ଜୀଵନ

ମିଳେ ମନ ଲାଖି ସାଥି 

ଦୋଷୀ ନ ହୁଅନ୍ତି ପିତା ମାତା କେବେ

ଘଟି ଗଲେ ଅପ୍ରିତି  ।

ହୁଏନା ଅଧିକ ଅର୍ଥ ବ୍ୟୟ ପୁଣି

ଅଟେ ସମୟ ସାପେକ୍ଷ

ଏ ଯୁଗ ପାଇଁ ଭର୍ ଚୁଆଲ୍ ବିବାହ

ଶ୍ରେୟସ୍କର ମନଲାଖ ।