ସାଧନାର ସୁରେ ଗାଅରେ

ହରି ରସ ସୁଧା ଶାନ୍ତ ସୁଶୀତଳ

କୃପାସିନ୍ଧୁ ଦୟା ସାଗର

ମିଳେ ଗତି ମୁକ୍ତି ଶ୍ରୀପଦ କମଳେ

ନୃତ୍ଯ କରେ ମନ ମୟୂର ।

ପତିତପାବନ ମଦନମୋହନ 

ମଳୟ ଚନ୍ଦନ ବାସରେ

ମହକେ ନନ୍ଦନ ସୁବାସ ସୁଗନ୍ଧ 

ଭିଜେ ମର୍ମ ପ୍ରେମ ରସରେ ।

ତରିବାକୁ ଭବ ତାପ ତିମିରକୁ

ହରି ରସ ବାଣୀ ତାରିଣୀ

ପାପ ଓ କଳୁଷ ବେଗେ କରେ ନାଶ

ହରଇ ବିଷାଦ ଦାବାଗ୍ନି ।

ରାଧାଗୋପୀନାଥ ଚରଣାରବିନ୍ଦେ

ବିଭୋର ତଲ୍ଲୀନ ଭାବରେ

ବୁଡି ଭକ୍ତିରସ ଅମୀୟ ଆଶାରେ

ପ୍ରୀତି ଅନୁରାଗେ ମଜ୍ଜରେ ।

ଉଜ୍ଜ୍ବଳୁ ଆଲୋକ ଜ୍ଯୋତି ହୃଦୟରେ

ଦିବ୍ୟାନନ୍ଦେ ହୋଇ ମଗନ

ଅବଲୋକି କୃଷ୍ଣ ଲାବଣ୍ୟ ବଦନ

ପୁଲକୁ ଜୀବନ ପରାଣ ।

ଗୁଞ୍ଜେ କୁଞ୍ଜବନେ ବେଣୁ ମଧୁସ୍ବନ

କୋକିଳ ପଞ୍ଚମ ରାଗରେ

ଗାଅ ରାଧାକୃଷ୍ଣ ମନ ପଞ୍ଚପ୍ରାଣ

ସାଧନାର ସୁରେ ଗାଅରେ ।