ସ୍ଵାଧୀନ ଭାରତ
ସ୍ଵାଧୀନ ଭାରତ
ସ୍ଵାଧୀନ ଭାରତ ସ୍ଵାଧୀନ ମଣିଷ
ସ୍ଵାଧୀନତା ଆମ ଅଧିକାର
ହସି ହସି ଯିଏ ଧ୍ଵଂସ କରୁଅଛି
ପୃଥିବୀ ମାଆର ଶ୍ରୀ ସମ୍ଭାର ।
ସ୍ଵାଧୀନ ଭାରତ ସ୍ଵାଧୀନ ମଣିଷ
ସମାନତା ପୁଣି ଆମ ସ୍ଵର
ସୁ ଉଚ୍ଚ ପ୍ରାସାଦେ କିଏ ରହୁ ଅଛି
କାହା ପାଖେ ନାହିଁ ଚାଳଘର ।
ସ୍ଵାଧୀନ ଭାରତ ସ୍ଵାଧୀନ ମଣିଷ
ପେଟ ପାଇଁ ପୁଣି ଛୁଆ ବିକେ
ସ୍ଵାଧୀନ ସେ ମାଆ କଳଙ୍କ ଭାବଇ
ଛୁଆକୁ ଫୋପାଡ଼େ କଣ୍ଟା ଝାଡେ ।
ସ୍ଵାଧୀନ ଭାରତ ସ୍ଵାଧୀନ ମଣିଷ
ଯୌନ ଲାଳସା ତା ଆତ୍ମା ଖାଏ
ସ୍ଵାଧୀନ ପୁରଷ ଲଙ୍ଘେ ସୀମାରେଖା
ନାରୀ ଏଠି ଭୂଲୁଣ୍ଠିତ ହୁଏ ।
ସ୍ଵାଧୀନ ଭାରତ ସ୍ଵାଧୀନ ମଣିଷ
ଶିକ୍ଷା ସ୍ଵାଧୀକାର କଥା କହେ
କଅଁଳ ମନର ନିଷ୍ପାପ ଶିଶୁଟି
ଏଠି ସେଠି କାମ କରୁ ଥାଏ ।
ଶିଶୁ ଶ୍ରମିକର ଉଚ୍ଛେଦ ର କଥା
ସ୍ଵାଧୀନ ମଣିଷ କହୁଥାଏ
ନିଜ ଘରେ ପୁଣି ଶିଶୁ ଶ୍ରମିକ କୁ
କାମରେ ଲଗାଇ ଦେଇଥାଏ ।
ଶିଶୁ ଶ୍ରମିକର ଉଚ୍ଛେଦ ବିଲ୍ଟି
ପବନରେ ଉଡ଼ି ବୁଲୁଥାଏ
ଘର ଠୁ ଦୋକାନ ଢାବାରୁ ହୋଟେଲ
ସବୁଠି ଶିଶୁ ଯେ ଖଟୁ ଥାଏ ।
ସ୍ଵାଧୀନ ଭାରତ ସ୍ଵାଧୀନ ମଣିଷ
ଧର୍ମ ସମନ୍ୱୟ କଥା କୁହେ
ଜାତି ଧର୍ମ ମଧ୍ୟେ କଳହ ଲଗାଇ
ନିଜର ଫାଇଦା ଖୋଜୁଥାଏ ।
ସ୍ଵାଧୀନ ଭାରତ ସ୍ଵାଧୀନ ମଣିଷ
ଭାଷଣ ବାଜି ତା ଅନ୍ତଃସ୍ଵର
ଭୁଲି ଯାଇଅଛି ସ୍ଵାଧୀନତା ଅର୍ଥ
ଭୁଲି ଯାଇଛି ତା ଗୁଢ ଅର୍ଥ ।
ସ୍ଵାଧିନତା ପାଇଁ ଲଢିଲେ ଯେ ଜନ
ରକତକୁ ପାଣି ଫଠାଇଲେ
ସେମାନଙ୍କ ସ୍ଵପ୍ନ ଉଭେଇ ଯାଉଛି
ଭାଷଣ ବାଜିରେ ଭାସି ବୁଲେ ।
ହେଲେ- -
ସ୍ଵାଧୀନତା କେବେ ସ୍ୱାର୍ଥୀ ହୁଏ ନାହିଁ
ସମସଙ୍କ କଥା ଭାବୁଥାଏ
ନିଜ ଅଧିକାର ଖାଲି ଖୋଜେ ନାହିଁ
ନିଜ କର୍ତ୍ତବ୍ୟ ବି କରୁଥାଏ ।
ଦିବସ ପାଳନ ଅତୀତ ମନ୍ଥନ
ମନରେ ଜାଗୃତି ଦେଇଥାଏ
ପାଳିବାର କଥା ବୋଲି ପାଳି ଦେଲେ
ସେଥିରେ କି ଲାଭ ହୋଇଥାଏ ।
ସ୍ଵାଧୀନର ମର୍ମ ସ୍ଵାଧୀନତା ଧର୍ମ
ବୁଝି ଯଦି କାମ କରିଯିବା
ଏ ଦେଶ ହୋଇବ ସୁନାର ଭାରତ
ଶାନ୍ତିରେ ଜୀବନ ଜୀଉଁଥିବା I