ସ୍ୱପ୍ନର ଭାରତର ଦୂରାବସ୍ଥା

କୋଟି କୋଟି ଭାରତୀୟ ଭାଇ ଓ ଭଉଣୀ 

ତ୍ୟାଗ କରି ଆଣିଲେ ସ୍ୱରାଜ

ଦେଖି ଦୁଃଖ ଲାଗେ ଆଜି ଭାରତ ବର୍ଷ, କାହା 

ଯୋଗୁ ହୋଇଛି ଏକ ଜୀର୍ଣ୍ଣ ସମାଜ ।

ସ୍ବଦେଶୀ ସପନ ଆଜି ହୋଇଛି ନଷ୍ଟ, ଧର୍ମ 

ଜାତି ନାମେ ଅହିଂସାର ହୁଏ କଣ୍ଠରୋଧ

ଶୁଦ୍ଧ ମହାନ୍ ଦେବୋପମ ଏ ଭାରତ ହଜାଇଛି 

ଧର୍ମ ନିରପେକ୍ଷ ମୂଲ୍ୟବୋଧ ।

ସ୍ୱାଧୀନତା ସଂଗ୍ରାମର ଯେତେ ଥିଲେ ସାରଥୀ

ଶାନ୍ତି ଓ ମୈତ୍ରୀର ବାର୍ତ୍ତା ଦେଇଥିଲେ

ଅହିଂସା ଓ ଶାନ୍ତି ମନ୍ତ୍ରଦ୍ୱାରା ଦୀକ୍ଷିତ କରାଇ 

ଜାତିଆଣ ହୀନଭାବ ମନୁ ପୋଛିଥିଲେ ।

କାଟି ପିନ୍ଧିବା କୁଟି ଖାଇବା ଥିଲା ନାରାବାଜି

ଭାରତ ମନରୁ ଯାଇଅଛି ହଜି 

ପର ଦେଶରୁ ଧାର ଆଣି ବଡ ଦେଖାଇବା, ଲୁଟି 

ନଚେତ ମାଗି ଖାଇବା ନୀତି ହୋଇଛି ଆଜି ।

ଲୋକଙ୍କ କଳ୍ପିତ ସପନର ରାମରାଜ୍ୟ ଆଜି ସ୍ୱାର୍ଥ 

ମାଦକତାରେ ହରାଇଛି ସ୍ଥିତି 

ଅନୀତି ଅନ୍ୟାୟ ତାନସାହୀର ଶାସନ ଚାଲିଛି ଆଜି,

ମେହନତୀ ମଣିଷ ଖୋଜେ ମୁକ୍ତି ।