ସ୍ୱପ୍ନର ଭାରତବର୍ଷ

ଜାଗ ମା ଭାରତୀ   ବିଶ୍ୱ ଆଦିଶକ୍ତି

    ଦେବଭୂମି ପୁଣ୍ୟତୋୟା

ଜ୍ଞାନଚକ୍ଷୁ ବେଦ   ପୁକାରେ ପ୍ରଣବ

    ଛତ୍ର ତୋଳେ କଳ୍ପଛାୟା ।

ଉଦୟ ଅରୁଣ    ସ୍ୱର୍ଣ୍ଣ।ଭ କିରଣ

    ସୁଶୀତଳ ରୂପା ଜହ୍ନ

ବିଞ୍ଚିଦିଏ ଦେହ   ମଳୟ ସମୀର

    ମହକେ ପୁଷ୍ପ ସୁଗନ୍ଧ ।

ହିମ ହିମାଳୟ   ହୀରକ ମୁକୁଟ

    ଉଜ୍ଜ୍ୱଳେ ଉନ୍ନତ ଶିରେ

ପ୍ରବହେ ପବିତ୍ର  ମନ୍ଦାକିନୀ ଧାରା

     ସଞ୍ଜିବୀତ ବ୍ରହ୍ମପୁତ୍ରେ ।

କଟୀତଟେ ଶୋହେ  ସୂତ୍ର ବିନ୍ଧ୍ୟାଚଳ

    ଖଣିଜ ମୋତି ମାଣିକ୍ୟ

ଧୋଇଦିଏ ପାଦ   ଜଳଧି ତରଙ୍ଗ

    ଉଚ୍ଛଳେ ଆନନ୍ଦେ ତଟ ।

ସବୁଜ ସୁନ୍ଦର   ଝୀନ ପାଟବସ୍ତ୍ରେ

     ଅପରୂପା ମା ଭାରତୀ

ବରଦ ମୁଦ୍ରାରେ ଅନନ୍ୟା ବିରଜା

      ସୁବିମଳା ଭଗବତୀ ।

ନିର୍ଝର ଅମୃତ   ଉନ୍ମେଷ ଜୀବନ

     ସୁଭଦ୍ରା ମା ସନାତନୀ

ବିଜୟ କେତନ   ଉଡୁ ଫରଫର

     ଜୟ ଅନ୍ନପୂର୍ଣ୍ଣା ଲକ୍ଷ୍ମୀ ।

କରମ ତତ୍ପର   ବିଭୋର ସନ୍ତାନ

     ପୁଲକିତ ହେଉ ହର୍ଷ

ଗଢୁ ସୁସହତ     ମହତ ସୁଦକ୍ଷ

      ସ୍ୱପ୍ନର ଭାରତବର୍ଷ ।