ସ୍ୱପ୍ନ

ସାଗର ବେଳାରେ ନିଇତି ଖୋଜୁଛି 

ପ୍ରିତୀଭରା ସେଇ ଦିନ

ଅମାନିଆ ଢେଉ ବାରମ୍ବାର ଉଠି

ଭାଙ୍ଗିଦିଏ ସବୁ ସ୍ୱପ୍ନ, 

ହୃଦୟ ଦୁଆର ମୁକୁଳା ପଡ଼ିଛି 

ଆସିବା ପଥକୁ ଚାହିଁ

ଟୋପା ଟୋପା ଲୁହ ପିଇ ଯାଏ ଓଠ

ଜିଇବାର ଆଶା ପାଇଁ, 

ଜୀବନ କାହାଣୀ ରକତେ ଲେଖୁଛି

ବିଷାଦରେ ବୋଳା ମନ

ସାଗର ବେଳାରେ ନିଇତି ଖୋଜୁଛି 

ପ୍ରିତୀଭରା ସେଇ ଦିନ

ଦୂର ଉପବନୁ ସଞ୍ଜ ନଇଁ ଆସେ 

ବହଳ ଅନ୍ଧାର ନେଇ

ଦଳ ଦଳ ପକ୍ଷୀ ନୀଡ଼ ଆଗମନେ

ଉଡ଼ିଲେଣି ସାଥୀ ହୋଇ, 

ଛାଇ ଆଲୁଅରେ ଚୋରା ବାଲି ପରେ

ହଜିଲା ପାଦର ଚିହ୍ନ

ସାଗର ବେଳାରେ ନିଇତି ଖୋଜୁଛି 

ପ୍ରିତୀଭରା ସେଇ ଦିନ