ସ୍ୱପ୍ନ ର ଦୁନିଆ

ଏମିତି ଏକ ଦୁନିଆ ଦିଅ ହେ ଭଗବାନ,

‎ଯେଉଁଠି ଦୁଃଖ ନ ଥିବ, ନ ଥିବ ଅଭିମାନ।

‎କିଛି ଦେଖି ମନ ନ ହେଉ କେବେ ହତାଶ,

‎ଆଖିରୁ ଝରୁ ନାହିଁ ଲୁହର ନିରାଶ।।

‎

‎ଯେଉଁଠି ନୋଟିଫିକେସନ୍ ନୁହେଁ,
‎ପକ୍ଷୀର ଡାକରେ ସକାଳ ହେବ।
‎ଯେଉଁଠି ‘ଷ୍ଟାଟସ୍’ ନୁହେଁ,
‎ମଣିଷର ଚରିତ୍ର ତା'ର ପରିଚୟ ହେବ।।

‎

‎ଯେଉଁଠି ନୋଟିଫିକେସନ୍ ନୁହେଁ,

‎ପକ୍ଷୀର ଡାକରେ ସକାଳ ହେବ।

‎ଯେଉଁଠି ‘ଷ୍ଟାଟସ୍’ ନୁହେଁ,

‎ମଣିଷର ଚରିତ୍ର ତା'ର ପରିଚୟ ହେବ।।

‎

‎ଯେଉଁଠି ନ ଥିବ ଛଳନା, ନ ଥିବ ପ୍ରତାରଣା,

‎ନ ଥିବ ସମ୍ପର୍କରେ ତିକ୍ତତା, ନ ଥିବ ଅବହେଳା।

‎ଯେଉଁଠି ମଣିଷ ମନକୁ ମଣିଷ ବୁଝିବ,

‎ନିରବ ଆଖିର ଭାଷା ଆଖିରେ ପଢ଼ିବ।।

‎

‎ନ ଥିବ ଇଣ୍ଟରନେଟ୍, ନ ଥିବ ମୋବାଇଲ୍ ଭିଡ଼,

‎ନ ଥିବ ମିଥ୍ୟା ହସର ଆଲୋକିତ ଭିଡ଼।

‎ସମୟ ଥିବ ଖାଲି ଦୁଇ ହୃଦୟ ପାଇଁ,

‎ପ୍ରେମ ଥିବ ନିର୍ମଳ ଦୁଇଟି ପ୍ରାଣ ପାଇଁ।।

‎

‎ଯେଉଁଠି ଖାଲି ମୁଁ ଆଉ ମୋ ହୃଦୟର ମଣିଷ,

‎ତା' ସାଥିରେ ବିତିଯାଉ ଜୀବନର ପ୍ରତି ଦିନ।

‎ନ ଥିବ ଦୂରତା, ନ ଥିବ ବିରହର ରାତି,

‎ତା' ହାତରେ ମୋ ହାତ, ତା' ସାଥିରେ ମୋ ସାଥୀ।।

‎

‎ସେ ହସିଲେ ଫୁଟୁ ଫୁଲ, ହସୁ ମୋ ମନ,

‎ତା' ଖୁସିରେ ମିଳୁ ମୋ ଜୀବନର ଧନ।

‎ନ ଥିବ ହରାଇବାର ଭୟ, ନ ଥିବ ବିଚ୍ଛେଦ,

‎ପ୍ରତି ଜନମରେ ରହୁ ଏହି ପ୍ରେମର ସମ୍ପଦ।।

‎

‎ଯେଉଁଠି ସକାଳ ଆସୁ ତା' ହସର ଆଲୋକେ,

‎ସନ୍ଧ୍ୟା ନଇଁଯାଉ ତା' ମିଠା କଥାର ଝଲକେ।

‎ଯେଉଁଠି ମୋ ଦୁନିଆ ତା'ଠାରୁ ଆରମ୍ଭ ହେବ,

‎ଆଉ ମୋର ପ୍ରତିଟି ଶ୍ୱାସ ତା' ନାମେ ଶେଷ ହେବ।।

‎

‎ସେହି ଦୁନିଆ ମୋ ପାଇଁ ସ୍ୱର୍ଗ ହୋଇଯିବ,

‎ଯେଉଁଠି ଦୁଇ ହୃଦୟ ଏକାଠି ହସିବ।

‎ନାହିଁ ଆଉ କିଛି ଚାହେଁ ଏ ଜୀବନରେ,

‎ଖାଲି ସେ ରହୁ ମୋ ପାଖେ

‎ମୁଁ ରହେ ତା' ହୃଦୟରେ।।

‎

Priyanka Panda