ଲାଇବ୍ରେରୀ
ପ୍ରୋଫାଇଲ୍
ହୃଦୟ ଯାହା ଦିଏ
ହୃଦୟ ଯାହା ଦିଏ
1 min
0
ହୃଦୟ ଯାହା ଦିଏ, ତାହା ନୁହେଁ ଦାନ,
ସେଥିରେ ଲୁଚିଥାଏ ଆତ୍ମାର ସମ୍ମାନ।
ସ୍ନେହ ଯାହା ଦିଏ, ଫେରେନାହିଁ ହିସାବ,
ନିଷ୍କାମ ପ୍ରେମରେ ନଥାଏ ପ୍ରତିଦାନର ଭାବ।।
ହୃଦୟ ଯାହା ଦିଏ, ଶବ୍ଦରେ ହୁଏନି ପ୍ରକାଶ,
ନୀରବ ଅନୁଭୂତିରେ ବଞ୍ଚିରହେ ବିଶ୍ୱାସ।
ସମ୍ପର୍କ ଯଦି ହୁଏ ସ୍ୱାର୍ଥର ବନ୍ଧନ,
ସମୟ ସହ ହୁଏ ତାହାର ବିସର୍ଜନ।।
ହୃଦୟ ଯାହା ଦିଏ, ତାହା ଅମୂଲ୍ୟ ଉପହାର,
ସେଥିରେ ନଥାଏ ଛଳନା, ନଥାଏ ପ୍ରତାରଣାର ଭାର।
ପ୍ରତିଦାନ ଆଶାରେ ପ୍ରେମ ହୁଏ ବାଣିଜ୍ୟ,
ନିଃସ୍ୱାର୍ଥ ସମର୍ପଣ ହିଁ ମାନବିକତାର ସାମ୍ରାଜ୍ୟ।।
ହୃଦୟ ଯାହା ଦିଏ, ତାହା ରହିଯାଏ ଚିରଦିନ,
ଦୂରତା ମିଟାଇଦିଏ, ଯୋଡ଼ିଦିଏ ମନ ସହ ମନ।
ଧନ ନୁହେଁ, ପଦ ନୁହେଁ, ନୁହେଁ ବାହ୍ୟ ଆଡ଼ମ୍ବର,
ହୃଦୟରୁ ଦିଆ ସ୍ନେହ ହିଁ ଜୀବନର ଶ୍ରେଷ୍ଠ ଅଳଙ୍କାର।।
Priyanka Panda
