ଲାଇବ୍ରେରୀ
ପ୍ରୋଫାଇଲ୍
ନବରାତ୍ରି ମା' ନବ ଦୁର୍ଗା
ନବରାତ୍ରି ମା' ନବ ଦୁର୍ଗା
ଲାଲିମାମୟୀ ଶୈଳପୁତ୍ରୀ,
ତୁମେ ଆଦ୍ୟାଶକ୍ତିର ଜ୍ୟୋତି।
ଭକ୍ତିର ଅର୍ଘ୍ୟେ ପୂଜୁଛୁ ଜନନୀ,
ଚରଣେ ଅର୍ପୁ ଭକ୍ତି।।
ଅଧର୍ମ ବିନାଶି ଧର୍ମ ସଂସ୍ଥାପି,
ଜଗତେ ଭରିଦିଅ ଶକ୍ତି।
କରୁଣା କଟାକ୍ଷେ ଦୂର କର ଦୁଃଖ,
ପ୍ରଦାନ କର ସଦ୍ଗତି।।
ଧବଳ ଦୁକୂଳେ ଶୋଭିତା ମାଆ,
ତପୋତେଜେ ତେଜସ୍ୱିନୀ,
ତ୍ୟାଗ ତପସ୍ୟା ସଂଯମ ମୂର୍ତ୍ତି,
ହେ ମାଆ ବ୍ରହ୍ମଚାରିଣୀ।।
ଭକ୍ତି ଓ ଶ୍ରଦ୍ଧା ହୃଦୟେ ଭରି,
ଦିଅ ସଦ୍ବୁଦ୍ଧି ଶକ୍ତିଦାୟିନୀ,
କୃପାକଟାକ୍ଷେ କଲ୍ୟାଣ ବରଷ,
ହେ ଜଗତ୍ମାତା ତପସ୍ୱିନୀ।।
ସ୍ୱର୍ଣ୍ଣାଭାମଣ୍ଡିତା ଚନ୍ଦ୍ରଘଣ୍ଟା,
ମହାତେଜସ୍ୱିନୀ,
ଦଶଭୁଜା ଦୁର୍ଗେ, ଦୁର୍ଗତିନାଶିନୀ,
ଆଦ୍ୟାଶକ୍ତି ସ୍ୱରୂପିଣୀ।।
ଘଣ୍ଟନାଦେ ବିଦାରିଣୀ ଦୁଷ୍ଟଦଳ,
ଅଭୟବରଦାୟିନୀ,
କୃପାକଟାକ୍ଷେ କଲ୍ୟାଣ ବରଷ,
ହେ ଜଗଦ୍ଧାତ୍ରୀ ଭବାନୀ।।
ରାଜନୀଳ ଆଭାରେ ଦୀପ୍ତିମୟୀ,
ମହିମା ତୁମ ଅପାର।
ତୁମ କୃପାରେ ଦୂରୀଭୂତ ହେଉ,
ଜୀବନର ଅନ୍ଧକାର।।
ଭକ୍ତି ଓ ଶ୍ରଦ୍ଧା ପ୍ରଦାୟିନୀ ମାଆ,
ତୁମେ ଶକ୍ତିର ଭଣ୍ଡାର।
ଜୟ ଜୟ ମାଆ କୁଷ୍ମାଣ୍ଡା ଦେବୀ,
କରୁଣାର ସାଗର।।
ସିଂହବାହିନୀ ସ୍କନ୍ଦମାତା,
ଜଗଦ୍ଧାତ୍ରୀ ଭବାନୀ।
କୋଳେ ସ୍କନ୍ଦଙ୍କୁ ଧରି ବିରାଜିତା,
ମମତାମୟୀ ଜନନୀ।।
ପଦ୍ମାସନା ପଦ୍ମହସ୍ତା,
ଦିବ୍ୟତେଜେ ତେଜସ୍ୱିନୀ।
ଭକ୍ତବତ୍ସଳା ଦୁଃଖବିନାଶିନୀ,
କଲ୍ୟାଣମୟୀ ମହାରାଣୀ।।
ମହିଷାସୁରମର୍ଦ୍ଦିନୀ ମାଆ,
ଅପରାଜିତା ଶକ୍ତିଦାୟିନୀ।
ଧର୍ମରକ୍ଷିଣୀ, ଭକ୍ତପାଳିନୀ,
ତୁମେ ମଙ୍ଗଳକାରିଣୀ।।
ଷଷ୍ଠ ଦିନର ସାଧନାରେ ଜାଗୁ,
ଶ୍ରଦ୍ଧା ଓ ଭକ୍ତିର ଜ୍ୱାଳା।
ଜୟ ଜୟ ମାଆ କାତ୍ୟାୟନୀ,
ଦୂର କର ଦୁଃଖର ଜ୍ୱାଳା।।
ନବରାତ୍ରି ସପ୍ତମ ଦିବସେ,
ପୂଜିତା ମାଆ କାଳରାତ୍ରୀ।
ସପ୍ତମୀ ତିଥିର ଆରାଧ୍ୟା ଦେବୀ
ମହାଶକ୍ତି ସ୍ୱରୂପିଣୀ।।
ଘନକୃଷ୍ଣ ବର୍ଣ୍ଣ, ମୁକ୍ତକେଶୀ,
ଦୁଷ୍ଟଦଳ ବିନାଶିନୀ।
ଭୟ ଓ ଅନ୍ଧକାର ନାଶ କରୁଥିବା,
ଶୁଭଙ୍କରୀ ଭବାନୀ।।
ଓ ଶ୍ରଦ୍ଧା ଅର୍ପିବି ତବ ଚରଣେ,
ହେ ଦୁଃଖବିନାଶିନୀ।
ଅଜ୍ଞାନ ତିମିର ଦୂର କରିଦିଅ,
ଜ୍ଞାନଜ୍ୟୋତି ପ୍ରଦାୟିନୀ।।
ସୁଖ, ଶାନ୍ତି, ସମୃଦ୍ଧି ପ୍ରଦାନ କର,
ହେ ଜଗତ୍ଜନନୀ।
ଜୟ ଜୟ ମାଆ ମହାଗୌରୀ,
ଜଗଦ୍ଧାତ୍ରୀ କଲ୍ୟାଣକାରିଣୀ।।
ନବରାତ୍ରି ନବମ ଦିବସେ,
ସିଦ୍ଧିଦାତ୍ରୀ ମହାରାଣୀ।
ନବମୀ ତିଥିର ଆରାଧ୍ୟା ଦେବୀ,
ସର୍ବସିଦ୍ଧି ପ୍ରଦାୟିନୀ।।
ନଅ ଦିନର ସାଧନା ପୂର୍ଣ୍ଣେ,
ବିରାଜ ଜଗଜ୍ଜନନୀ।
ଅଷ୍ଟସିଦ୍ଧି ନବନିଧି ଦାୟିନୀ,
ହେ ମଙ୍ଗଳକାରିଣୀ।।
ନବଦୁର୍ଗା ପୂଜାର ଶେଷ ପର୍ବେ,
ଅର୍ପୁ ଭକ୍ତିର ଅଞ୍ଜଳି।
ଜ୍ଞାନ, ଶକ୍ତି, ସିଦ୍ଧି ପ୍ରଦାନ କର,
ଦୂର କର ଦୁଃଖାବଳୀ।।
ନବମ ଦିନର ଆରାଧନାରେ,
ହୃଦୟେ ଜାଗୁ ଭକ୍ତି।
ଜୟ ଜୟ ମାଆ ସିଦ୍ଧିଦାତ୍ରୀ,
ପ୍ରଦାନ କର ସଦ୍ଗତି।।
Priyanka Panda
