ଅଶ୍ରୁଧାରା ପୋଛି ଦେ ମା'

ଅଶ୍ରୁଧାରା ପୋଛି ଦେ ମାଆ, 
‎ଅଧରେ ଭରିଦେ ହାସ,
‎ବିଦୀର୍ଣ୍ଣ ହୃଦୟେ ଜାଗ୍ରତ କର 
‎ନବ ଆଶାର ବିଶ୍ୱାସ।
‎ଅନ୍ୟାୟ ଅଧର୍ମ ବିନାଶ 
‎କରି ଧର୍ମର ଧ୍ୱଜା ଉଡ଼ା,
‎ସତ୍ୟ-ନ୍ୟାୟ-ଶାନ୍ତି-ପ୍ରେମେ ମାଆ, 
‎ସୁନ୍ଦର ଧରଣୀ ଗଢ଼ା।।
‎
‎ଅନ୍ତରର ଅକୁହା ବେଦନା 
‎ନୀରବେ ରହିଛି ଲୁଚି,
‎ଭଗ୍ନ ଆଶାର ଶୁଷ୍କ କୁସୁମ 
‎ଝରେ ନୟନୁ ପୋଛି।
‎ଜଗତର ଆରତି ଶୁଣି ମାଆ, 
‎କରୁଣାର ବାରି ଢାଳ,
‎ଚରଣତଳେ ଶରଣ ଦେଇ 
‎ଦୁଃଖର ତିମିର ଟାଳ।।
‎
‎କଷ୍ଟହାରିଣୀ ଦଶହରା, 
‎ଦୁର୍ଗତିନାଶିନୀ ମାଆ,
‎ଦୁଃଖର ମରୁରେ ସ୍ନେହର 
‎ସରିତା ବୁହାଇ ଦେ ମାଆ।
‎ସୁଖ ଦେଉ ଅବା ଦୁଃଖ ଦେଉ, 
‎ତୋ ଇଚ୍ଛା ମୋର ଶିରୋଧାର୍ଯ୍ୟ,
‎ତୋ ପାଦପଦ୍ମେ ସମର୍ପିତ ଜୀବନ, 
‎ତୋ କୃପା ମୋର ସୌଭାଗ୍ୟ।।
‎✨🙇🏻🌺🌺🌺🙏🌺🌺🌺🙇🏻✨
‎Priyanka Panda 
‎