ସ୍ୱଚ୍ଛ ଭାରତ

ପିଲାଟି ଦିନୁ ପଢ଼ିଛେ ଆମେରେ

ଶୁଣିଛେ ଲୋକଙ୍କ ଉପଦେଶରେ ।

ଖାଇବା ଆଗରୁ ଧୋଇଵ ହାତ

ନ ହେଲେ ଭୋଗିବ ରୋଗ ଵହୁତ ।

ଗାଆଁ ପରିମଳ ଧୋବା ତୋଠରୁ

ମନ ପରିମଳ ଲୋକ ତୁଣ୍ଡରୁ  ।

ଗୁଡାଖୁ ଗୁଟଖା ବା ପାନ ପିକ

ଖାଇ ଏଣେ ତେଣେ ତାକୁ ନ ପକ ।

ପୂଜା ପରବର ଵିସର୍ଜନରେ

ଫଳ ଫୁଲ ପତ୍ର ଭାସେ ନଈରେ ।

କ୍ଷୀର ପଲିଥିନ ଚୋପା ପରିବା  

ଅଳିଆ ଡବାରେ ସବୁ ଫିଙ୍ଗିବା ।

ଘର କାର୍ଯ୍ୟାଳୟ ରାସ୍ତା ମନ୍ଦିର

ରଖିବା ନିର୍ମଳ ସଫା ସୁତର ।

 ବିଦ୍ୟାଳୟ ଅଵା ଡାକ୍ତରଖାନା

କେଉଁଠି କେବେ ନ କର ଅସନା ।

ପାଇଖାନା ଛଡା ଅନ୍ୟ ଜାଗାରେ

ମଳମୂତ୍ର ଆଉ ତ୍ୟାଗ ନ କରେ  ।

ଘର ଠାରୁ ଗାଆଁ ସହର ଦେଶ 

ସବୁଠି ରହୁ ଭଲ ପରିବେଶ  ।

ସଫା ସୁତରା ହେଉ ପରିବେଶ 

ରୋଗ ବଇରାଗ ନ ମାଡୁ ପାଶ ।

ସ୍ୱଚ୍ଛ ସୁନ୍ଦର ଭାରତ ରହିଲେ

ବିଦେଶେ ସୁନାମ ବଢ଼ିବ ଭଲେ ।

ସଚେତନ ହେବା ଆମେ ମନରେ

ଦେଖାଇବା ସବୁ ତାହା କାମରେ ।

ଶପଥ ନେବା ସ୍ୱଚ୍ଛତା ରଖିବା 

ଆନନ୍ଦିତ ହେବା ସୁସ୍ଥେ ରହିବା ।