ସ୍ୱାସ୍ଥ୍ୟ ବାଣୀ

ରକତ ଧମନୀ ଗତି କଲା ବେଳେ

        ସୃଷ୍ଟି କରେ ଯେଉଁ ଚାପ

ରକ୍ତ ଚାପ ବୋଲି ତାହାକୁ କହନ୍ତି

        ନିୟମିତ ଯାଇ ମାପ। {୧}

ଉଚ୍ଚ ରକ୍ତ ଚାପ ହୃଦ ସଙ୍କୁଚିତ

        ଲଘୁ ଚାପେ ପ୍ରସାରିତ

ମୁଣ୍ଡ ପଛପଟେ ବେକର ଯନ୍ତ୍ରଣା

        ହୋଇଥାଏ ଆପେ ଜାତ। {୨}

ମୁଣ୍ଡ ବୁଲାଇବା ପରିସ୍ରା ଲାଗିବା

        ହାତ ପାଦ ଥର ଥର

ହୃଦୟର ଗତି ଅନିୟମିତତା

        ଲକ୍ଷଣ ଅଟେ ତାହାର। {୩}

ମଧୁମେହ ରୋଗ ମୃତଗ୍ରନ୍ଥି ଗ୍ରାସ

        ଅନିୟମିତ ଜୀବନ

ଓଜନ ବର୍ଦ୍ଧନ ଅକାରଣ ଚିନ୍ତା

        ତାହାର ମୁଖ୍ୟ କାରଣ। {୪}

ବେଳ ଥାଉ ଥାଉ ହୋଇ ସାବଧାନ

        କର ତାକୁ ସ୍ୱାଭାବିକ

ନକରି ଝଗଡ଼ା ଶାନ୍ତିର ଜୀବନ

        ନିଜକୁ ସୁନିଦ୍ରା ରଖ। {୫}

ଲୁଣିଆ, ତେଲିଆ, ମିଠା ଅବା ଖଟା

        ଉଚ୍ଚ ସାନ୍ଦ୍ରତା ଭୋଜନ

ମାଂସ ମଦ ଅଣ୍ଡା ଚା ଧୂମପାନ

        ସମ୍ପୂର୍ଣ୍ଣ କରି ବର୍ଜନ। {୬}

ପାତାଳ ଗରୁଡ ପତ୍ରେ ମହୁ, ଚୂର୍ଣ୍ଣ

       ମିଶାଇ ମିଶାଇ କଲେ ସେବନ

ପ୍ରାଣାୟମ ବ୍ୟାୟାମ ମକରାସନ

       ଶବାସନ, ବକ୍ରାସନ। {୭}

କଲରା ପତର ସଜନା ଶାଗର

       ରସ କର ନିତି ପାନ

ନୁହେଁ ଟି କବିତା ମନେ ତୁ ରଖିଥା

       ସ୍ୱାସ୍ଥ୍ୟ ବାଣୀ ଏହା ଜାଣ। {୮}