ସ୍ୱାଗତ ନବବରଷ
ସ୍ୱାଗତ ନବବରଷ
ସ୍ୱାଗତ ଜଣେଇ ସ୍ୱାଗତ କରୁଛି
ଆସ ହେ ନବ ବରଷ,
ନେଇ ଆସ ତୁମେ ଅସରନ୍ତି ଖୁସି
ବିତେଇବାକୁ ଏ ବରଷ ।
ଅନ୍ୟାୟ, ଦୁର୍ନୀତି, ଦୁଃଖ, କଷ୍ଟ ସବୁ
କରିନିଅ ତୁମେ ହରଣ
ସୁଖ, ଶାନ୍ତି ନିରାମୟ ପରିବେଶ
ସୃଷ୍ଟି କର ଆମ ଚରଣ ।
ବିଗତ ବର୍ଷର ପୀଡ଼ା, ଯନ୍ତ୍ରଣାକୁ
ଲାଘବ କର ଏ ଧରାରୁ,
ଏଇ ବରଷଟି ଖୁସିରେ କଟୁ
ପୁଷ୍ପ ବର୍ଷୁ ଆରମ୍ଭରୁ l
କୋଡିଏ ରେ ଲୋକ କାଟିଛନ୍ତି ଦିନ
ଦିନେ ଶୋଷ ଦିନେ ଭୋକ,
ଏଇ ବରଷରେ ଶସ୍ୟ ପଡ଼ୁ ଝଡ଼ି
ସଭିଙ୍କର ମେଣ୍ଟୁ ଭୋକ l
ନୂତନ ପବନେ ଉଡ଼େଇ ନିଅ ହେ
ବିଶ୍ୱର ଏ ମହାମାରୀ,
ନୂତନ ବରଷେ ହସର ଲହରୀ
ମାଡ଼ି ଆସୁ ଢେଉ ପରି l