ସ୍ୱାଧୀନତା

ଦୁନିଆରେ ଯେତେ ଜୀବ

ସଭିଙ୍କୁ ଲୋଡ଼ା ସ୍ୱାଧୀନତା

ଖାଇବା ବୁଲିବା ରହିବା

ଶୋଇବା ନିଜ ଇଚ୍ଛାରେ

ମଣିଷ ହେଉକି ପଶୁ ପକ୍ଷୀ

ସଭିଙ୍କ ଅଛି ସ୍ୱାଧୀନତା ।

ବଣ ଜଙ୍ଗଲରେ

ପଥର କୋରଡ଼େ

ରହୁଛନ୍ତି ପଶୁମାନେ

ଗଛ କୋରଡ଼ରେ

ବସା କରନ୍ତି ପକ୍ଷୀଏଁ

ବିଚାରନ୍ତି ସ୍ୱାଧୀନରେ ।

କେତେ ଝଡ ଝଞ୍ଜା

କେତେ ବର୍ଷା ବାତ୍ୟା

ସହନ୍ତି ସେମାନେ ସେଠି

ହେଲେ ବି ସେମାନେ

ଭଲ ଖାଇ ଘରେ ରହି

ପିଞ୍ଜରାକୁ ନ ପଶନ୍ତି ।

ସ୍ୱାଧୀନ ଆହାର

ସ୍ୱାଧୀନ ବିଚାର

ସ୍ୱାଧୀନେ ରହିବା

ଇଚ୍ଛା ଥାଏ ସମସ୍ତଙ୍କ

ସେଥିପାଇଁ ମଣିଷ

ବଞ୍ଚେ ନିଜ ଇଚ୍ଛାରେ

ନିଜ ଶାସନରେ ଦେଶ ।

ଇଂରେଜ ଶାସନୁ

ମୁକୁଳାଇ ଦେଶ

ମୁକ୍ତ ହୋଇଲା ଭାରତ

ଗୋରା ଶାସନରୁ

ମୁକତି ଲଭିଲା

ମିଳିଗଲା ସ୍ୱାଧୀନତା ।

ସେହି ଦିନ ଠାରୁ

ଆମେରେ ଶାସକ

ଆମରି ଭାରତ ଭୂଇଁ

ଦେଶର ଶାସନ

ଆମରି ହାତରେ

ନାମକୁ ରହିଛି ଏଠି ।

ଆମ ଭାଇ ବନ୍ଧୁ

ସାଜନ୍ତି ନେତାଟେ

ଆମରି ଶାସନ ପାଇଁ

ଆମ ମତାଦନେ

ଶାସକ ହୋଇଲେ

ଆମକୁ ଶାସନ କରନ୍ତି ।

ଆମର ଦେଶଟା

ହୋଇଛି ସ୍ୱାଧୀନ

ପରାଧୀନ ଲାଗୁଅଛି

ସ୍ୱାଧୀନ ଭାବରେ

ମତ ବ୍ୟକ୍ତ କଲେ

ନଥିବ କୌଣସି ଡର

ତାକୁ କହିବ ସ୍ୱାଧୀନତା ।