Library
Profile
ସ୍ୱାଧୀନତା ସଂଗ୍ରାମୀ ଘେନ ସଲାମ
ସ୍ୱାଧୀନତା ସଂଗ୍ରାମୀ ଘେନ ସଲାମ
ମା'ର ଋଣକୁ ହୁଏକି ସୁଝି, କେତେ ଜଣ
ମାନନ୍ତି ଏହି ବାଣୀକୁ
ସମାଜେ ସ୍ୱାର୍ଥକୁ କରି ବିସର୍ଜନ, କେତେ
ବାଛନ୍ତି ବିପ୍ଳବ କ୍ରାନ୍ତିର ପଥକୁ ।
ଅଳ୍ପଙ୍କର ପଣ ରହେ ବଡ଼ ହୋଇ ସମାଜେ
ସାଜିବ ବିପ୍ଳବୀ ଆଣିବ କ୍ରାନ୍ତି
ହାତ ଗଣନ୍ତି ଲୋକ ହୋଇଣ କବି, ଲେଖନୀ
ମାଧ୍ୟମେ ଭ୍ରଷ୍ଟାଚାରୀ ଛାତି ଥରାଇ ଥାନ୍ତି ।
ପ୍ରତ୍ୟେକ ସମାଜେ ଅଳପ ମଣିଷ ସେବା
କରିବାକୁ ଧର୍ମ ମଣନ୍ତି
ପଥରୁ ନହୋଇ ବିଚ୍ୟୁତ, ଜନତାଙ୍କ ପାଇଁ
ଜୀବନ ଦିଅନ୍ତି ।
ମନେ ପଡେ ଯେବେ ଚାଲିଥିଲା ଦେଶରେ
ବ୍ରିଟିଶର ବର୍ବର ଶାସନ
>
ନଥିଲା ମଣିଷେ ଖେଦ ଯେଉଁଥି ପାଇଁ ଶହ ଶହ
ବର୍ଷ ଧରି ଆମେ ଥିଲେ ପରାଧୀନ ।
ଜଗାଇଲା ଦେଶଭକ୍ତି ଆମ ମନେ ବିପ୍ଳବୀ କବିର
ବନ୍ଦେ ମାତରଂ ଗାନ
ସେଥିରେ ହୋଇ ପ୍ରେରିତ କେତେ ଦେଶପ୍ରେମୀ
ବଳି ଦେଲେ ସେମାନଙ୍କ ପ୍ରାଣ ।
ସେହି ଦେଶପ୍ରେମୀଙ୍କ ଉପରେ ବିଦେଶୀ ଶାସକ
ଥିଲେ ନିଷ୍ଠୁର ବର୍ବର
ଅତ୍ୟାଚାର କଥା ଶୁଣି, ନିଜ ହୃଦୟରୁ ଝରିଯାଏ
ଖାଲି ଲୁହର ଧାର ।
ସ୍ୱାଧୀନତା ପାଇଁ କେତେ ବୀର ଆମର, ହସି
ହସି ଦେଲେ ନିଜ ପ୍ରାଣ
ଜଣାଉଛି ମୋ ଅନ୍ତରରୁ ସଲାମ, ହେ ସଂଗ୍ରାମୀ,
ମୋର ପ୍ରଣାମ ଘେନ ।
