ଶାନ୍ତିଦୂତ ମହାତ୍ମାଗାନ୍ଧୀ

ସତ୍ୟ ଅହିଂସା ର ପ୍ରତୀକ, ଥିଲେ ମହାତ୍ମାଗାନ୍ଧୀ

ସମଗ୍ର ମାନବ ଜାତିକୁ, ଶାନ୍ତି ରଜୁ ରେ ବାନ୍ଧି ।

ସତ୍ୟ,ଶାନ୍ତି,ଦୟା,କ୍ଷମାର ଗୁଣେ ହୋଇ ଭୂଷଣ

ସକଳ ମାନବ ଜାତିର ହୋଇ ପ୍ରିୟ ଭାଜନ ।

ଆଧ୍ୟାତ୍ମିକ ଚିନ୍ତା ଚେତନା, ଦିବ୍ୟ ଗୁଣେ ଭୂଷିତ

ସରଳ ଜୀବନ ଯାପନ ତାଙ୍କ ଜୀବନ ବ୍ରତ ।

ପିତା କରମଚାନ୍ଦ ଗାନ୍ଧୀ, ମାତା ପୁତୁଲୀ ବାଈ,

ବାଳୁତକାଳୁ ସତ୍ୟନିଷ୍ଠ,ପୁଣି ଥିଲେ ବିନୟୀ ।

ଅହମଦାବାଦେ ସ୍ନାତକ, ସାରି ଗଲେ ବିଲାତ,

ଓକିଲାତି ପଢି ଲେଉଟି, ଥିଲେ ପୁଣି ଭାରତ ।

ଦକ୍ଷିଣ ଆଫ୍ରିକା ଗମନ, କଲେ ଚାକିରି ପାଇଁଁ,

ବର୍ଣ୍ଣ ବୈଷମ୍ୟର ଶିକାର ହେଲେ ଗାନ୍ଧିଜୀ ତହିଁ ।

ଗୋରା ସର୍କାରଙ୍କ ବିରୁଦ୍ଧେ ସତ୍ୟାଗ୍ରହରେ ମାତି,

ବରଣକଲେ କାରାଦଣ୍ଡ, ସହ ଖାଇଣ ଲାଠି ।

ପ୍ରବାସୀ ଭାରତୀୟଙ୍କର ହୋଇ ପ୍ରିୟଭାଜନ,

ମହାତ୍ମାରୂପରେ ସେଦିନୁ ଗାନ୍ଧୀ ହେଲେ ଗଣନ ।

ସର୍କାର ବିରୁଦ୍ଧେ ସଂଗ୍ରାମ କରି ଫେରି ଭାରତେ

ବ୍ରିଟିଶ୍ ଶାସନ ଦୋହଲି ଗଲା ତାଙ୍କ ଇଙ୍ଗିତେ ।

ଅସହଯୋଗ ଆନ୍ଦୋଳନ ଲବଣ ସତ୍ୟାଗ୍ରହ,

ଭାରତଛାଡ ଆନ୍ଦୋଳନ, କଲା ତାଙ୍କୁ ଅଥୟ ।

ବହୁବାର କାରାବରଣ,ସତ୍ୟାଗ୍ରହର ବଳୁ

ମୁକତ ହୋଇଲା ଭାରତ, ବ୍ରିଟିଶଙ୍କ କବଳୁ ।

ଆଜିର ଦିନରେ ବିଶ୍ଵର କୋଣ ଅନୁକୋଣରେ

ଗାନ୍ଧୀଙ୍କ ପ୍ରତିମୂର୍ତ୍ତି ମାନ, ଉଭା ଶାନ୍ତି ପ୍ରସାରେ ।

ଯେବେ ଜନ ସମାଜ ହେବ ଗରିବୀ ହିଂସା ମୁକ୍ତ    

ତେବେ ଜାଇ ମହାତ୍ମାଙ୍କର ଆତ୍ମା ଲଭିବ ଶାନ୍ତ ।

 ଅଭାଗା ଜନତା ପାଇଲେ, ମୁଠେ ଅନ୍ନ ବସନ,

ସନ୍ତୋଷ ଲଭିବେ ସକଳେ, ଶୁଣି ଆଜିର ଦିନ ।