ଆମ ପରିବେଶ ଆମ ହାତରେ

ଫିଙ୍ଗିଦିଅ ନାହିଁ ଅସନା ଜିନିଷ 

     ପୋଡି ଦିଅ ପୋତି ଦିଅ 

ଖାମଖିଆଲିରେ  ଭୁଲ କାମ କରି 

      ନାନା ରୋଗ ଭୋଗ ନାହଁ ।

ଭଙ୍ଗା କାଚ ଶିଶି  ଟିଣ ଓ ଟାୟାର 

      ଯେଉଁଠାରେ ଦେଖୁଥାଅ 

ଅନାବନା ଚିଜ  ଯେତକ ଦେଖୁଛ 

     ଖାତକରି ପୋତି ଦିଅ  ।

ସ୍ୱଚ୍ଛ ପରିଷ୍କାର   ପରିମଳ କର 

     ନିଜ ଅଙ୍ଗ ନିଜ ଘର 

ପରିଛନ୍ନ କର  ନିଜ ପରିବେଶ 

     ନିଜ ହାତେ ନିଜେ କର ।

ଭୁଲିଯାଅ ନାହିଁ   ଏ ଭାରତ ଆମ 

    ସ୍ୱଚ୍ଛ ସବୁଜିମା ଦେଶ 

ନିଜ ହାତେ ତେଣୁ  ସ୍ୱଚ୍ଛ କରିବା ରେ 

     ଆମରି ଏ ଚତୁପାର୍ଶ୍ୱ ।

ମହାତମା ଆମ   ଜାତିର ପିତା ସେ 

     କହୁଥିଲେ ଡାକି ଡାକି 

ସ୍ୱଚ୍ଛ ଭାରତ ମିଶନ   ଲକ୍ଷ୍ୟ ରେ 

     କାମ ରଖନାହିଁ ବାକି ।

ଚାଲ ଆଜି ଆମେ   କହିଯିବା ଡାକି 

     ସଫାକର ସଫାକର 

ଭୁତାଣୁ ଜନିତ    ରୋଗ କବଳରୁ 

     ନିଜକୁ ତ ରକ୍ଷାକର ।

ମାଆ ଓ ମାଉସୀ   ଭାଇ ଭଉଣୀଏ 

     ଥରୁଟିଏ ଶୁଣିଯାଅ 

ଖାଇବା ଆଗରୁ   ସାବୁନ ଲଗାଇ  

     ହାତ ଧୋଇ କରି ଖାଅ ।

ଖୋଲା ପଡିଆ କୁ  ଝାଡା ଯାଅ ନାହି 

     ଘରେ କର ପାଇଖାନା 

ତଳେ ବାସି ଖାଦ୍ୟ  ଖାଅ ନାହିଁ ଜମା 

     ବସନି ଆସନ ବିନା ।

ଝାଡା ଯିବା ବେଳେ  ଚପଲ ପିନ୍ଧିବା 

     ଅଭ୍ୟାସ କରି ଶିଖ

ଆମ ପରିବେଶ  ଆମରି ହାତରେ 

   ଏ କଥା କୁ ମନେ ରଖ ।