ଆମେ ଓଡ଼ିଆ

କଳିଙ୍ଗ ଉତ୍କଳ ଓଡିଶା ଭୁବନ 

ଆମେ ଯେ ଅଟୁ ଓଡିଆ

ପ୍ରାଚୀନ ଆମର ସଭ୍ୟତା ସଂସ୍କୃତି

ଭାଷା ଯେ ଭାରି ବଢିଆ ! 

ଆମରି ମାଟିର କେତେ ଯୋଦ୍ଧା ବୀର 

ବୁଝି ସ୍ୱାଭିମାନ ଅର୍ଥ

ଉତ୍କଳ ମାଟିର ଗଉରବ ପାଇଁ 

ତ୍ୟାଗକଲେ ନିଜ ସ୍ଵାର୍ଥ ! 

କଳିଙ୍ଗ ମାଟିର କଳା କାରିଗରୀ 

ଅଟଇ ବିଶ୍ଵବିଦିତ 

ଇତିହାସେ ଲେଖା କେତେଯେ କାହାଣୀ 

ସୁଦୃଢ଼ ଆମ ସାହିତ୍ୟ ! 

ଓଡ଼ିଆ ପ୍ରାଣର ଆରାଧ୍ଯ ଦେବତା 

ଜଗତର ସେତ ନାଥ 

ଭକତିରେ ଥରେ ଡାକିଦେଲେ ତାଙ୍କୁ 

ସୁଗମ କରନ୍ତି ପଥ ! 

ଆସ ଆମେ ସର୍ବେ ହୋଇବା ଏକତ୍ର 

ବୁଝିବା ମାଆର ଦୁଃଖ 

ତା ଦୁଃଖକୁ ନିଜ ଦୁଖଃ ଭାବିନେଲେ 

ମିଳିବ ପ୍ରକୃତ ସୁଖ !