କୋରୋନା ପରେ ପରେ

 ଭାରତର ଧର୍ମ ସଂସ୍କୃତି ନିଆରା

          ବିଦେଶେ ଥିଲା ସୀମିତ

ଆୟୁର୍ବେଦ ଯୋଗ ନମସ୍କାର ଏବେ

          ହୋଇଲା ବିଶ୍ୱ ବିଦିତ ।

ଗାଡି ଓ ମଣିଷ କୋଳାହଳ ଶବ୍ଦେ 

          ଫାଟି ପଡୁଥିଲା ମାଟି 

ଖୋଜିଲେ ବି ଆଜି ଦେଖା ଯାଉନାହିଁ 

          ଶୁଭୁନାହିଁ କାହା ପାଟି ।

ପ୍ରଦୂଷଣ ଭାରେ ଦେଶ ବୁଡିଥିଲା 

          ବାୟୁ ସାଜିଥିଲା ବିଷ 

ନୀଳ ରଙ୍ଗେ ଆଜି ଆକାଶ ହସୁଛି 

          ଶାନ୍ତିରେ ନେଉଛି ଶ୍ଵାସ ।

Advertisement

ଗଙ୍ଗାମାତା ଦୁଃଖ ସର୍ବେ ଅବଗତ 

          ଜଳ ଯେ ଥିଲା ଜହର 

ସରକାର ଜନତା ପାରିଲେନି ଯାହା 

          ପ୍ରକୃତି କଲା ମଧୁର ।

ନେତା ମନ୍ତ୍ରୀଙ୍କର ସଭା କାର୍ଯ୍ୟ ପାଇଁ 

          ଧାଉଁ ଥିଲେ ରାଜଧାନୀ 

ଡିଜିଟାଲ ଇଣ୍ଡିଆ ପ୍ରଭାବେ ଆଜି 

          ଦିଲ୍ଲି ପଲ୍ଲୀ ସାମ୍ନାସାମ୍ନି ।

ପୌରାଣିକ କାହାଣୀ ଦେଖିବା ପାଇଁ 

          ମନେ ଥିଲା କେତେ ଭ୍ରମ 

ରାମାୟଣ ମହା ପ୍ରଭାବରେ ଆଜି 

          ମୁଖେ ହରିଙ୍କର ନାମ ।