ବିପିନ୍ ରାୱତ(CDS GENERAL)
ବିପିନ୍ ରାୱତ(CDS GENERAL)
ଦେଶର ପ୍ରଥମ ପ୍ରତିରକ୍ଷା ମୁଖ୍ୟ
ନାମ ବିପିନ ରାୱତ
ତାଙ୍କ ବଳିଦାନ ତ୍ୟାଗ ନିଷ୍ଠା ପ୍ରେମ
ମନେ ରଖିବ ଭାରତ !
ଚିଫ୍ ଅଫ୍ ଡିଫେନ୍ସ ଷ୍ଟାଫ୍ (ସି.ଡି.ଏସ୍)
ସେ ଥିଲେ ତାହାର ମୁଖ୍ୟ
ଦେଶର ସୁରକ୍ଷା ସୁଦୃଢ଼ ହୋଇଲା
ବଢ଼ିଲା ଶତ୍ରୁର ଦୁଃଖ !
ସର୍ବଦା ଅଟଳ ଅଚଳ ଅଭୟ
ଶାନ୍ତି ଥାଉ ଅବା ଯୁଦ୍ଧ
ରାଷ୍ଟ୍ରହିତ ପାଇଁ ହୋଇ ସେ ଦୁର୍ଦ୍ଧର୍ଷ
କରୁଥିଲେ ଶତ୍ରୁ ବଧ !
ତିନି ସେନାର ସେ ସମନ୍ଵୟ କରି
ପ୍ରତିରକ୍ଷା କଲେ ଦୃଢ଼
ଇଟାର ଜବାବ୍ ପଥରରେ ଦେଇ
ଭାଙ୍ଗିଲେ ଶତ୍ରୁଙ୍କ ଗଡ଼ !
ଷ୍ଟ୍ରାଇକ୍ ନିଷ୍ପତ୍ତିରେ ଥିଲେ ସିଦ୍ଧହସ୍ତ
ମନରେ ନ ରଖି ଦ୍ଵନ୍ଦ
ମିଆଁମାର୍ ହେଉ କି କାଶ୍ମୀର ବର୍ଡ଼ର୍
ଭେଦ କରି ଶତ୍ରୁ ଫନ୍ଦ !
ଭାରତମାତାର ସେବା ସୁରକ୍ଷାରେ
ଉତ୍ସର୍ଗ କରିଲେ ପ୍ରାଣ
ନିଧନରେ ତାଙ୍କ ଲୋତକ ଝରଇ
ଦେଶ ଆଜି ମ୍ରିୟମାଣ !