ସ୍ୱାଧୀନତା ସଂଗ୍ରାମେ ଓଡ଼ିଆ ବୀର

ଓଡ଼ିଆ ବୀରଙ୍କ ଦାନ ଯେ ମହାନ

           ସ୍ୱାଧୀନତା ସଂଗ୍ରାମରେ,

ଦେଶପାଇଁ ସବୁ ବଳି ଗଲେ ଚଢ଼ି

           ଇଂରେଜଙ୍କ ବିରୋଧରେ |

ସ୍ୱାଧୀନତା ସଂଗ୍ରାମରେ ମୂଳଦୁଆ

           ରୂପେ ପରିଚିତ ସିଏ,

ଇଂରେଜ ବିରୁଦ୍ଧରେ ଯୁଦ୍ଧ ଡାକଦେଲେ

           ବୀର ସୁରେନ୍ଦ୍ର ସାଏ |

ଅତ୍ୟାଚାର ଓ ଅନ୍ୟାୟ ବିପକ୍ଷରେ

           ଚାଲିଥିଲା ଏହି ଯୁଦ୍ଧ,

ତାଙ୍କରି ସଂଗ୍ରାମ କାହାଣୀ ଜାତିର

           ହୃଦେ ଗଲା ରହି ସ୍ତବ୍ଧ |

ନେତା କହିଲେ ଅନେକଙ୍କୁ ବୁଝାଏ

           କିନ୍ତୁ ନେତାଜୀ ତ ଜଣେ,

ଆଜାଦ୍ ହିନ୍ଦ୍ ଫୌଜ ଗଢ଼ିଥିଲେ

           କିଏ ବା ତାଙ୍କୁ ନଜାଣେ |

ରକ୍ତ ମାଗିଥିଲେ ସ୍ୱାଧୀନତା ପାଇଁ

           ଦିଲ୍ଲୀ ଚଲୋ ଡାକଦେଲେ,

ଜର୍ମାନୀ ଜାପାନ ଭଳି ଶକ୍ତିଶାଳୀ

            ବିରୁଦ୍ଧରେ ଲଢ଼ିଥିଲେ |

ଗାନ୍ଧୀଙ୍କ ଅସହଯୋଗ ଆନ୍ଦୋଳନେ

            ଡାକରାରେ ଉଦବୁଦ୍ଧ,

ଆଦିବାସୀଙ୍କୁ ନେଇ ଆକ୍ରମଣ କଲେ

           ଇଂରେଜଙ୍କ ବିରୁଦ୍ଧ |

ଅନ୍ୟ କେହିନୁହେଁ ସେ ବୀର ଓଡ଼ିଆ

          ଶହୀଦ ଲକ୍ଷ୍ମଣ ନାୟକ,

ଦେଶ ଲାଗି ହସି ହସି ଫାଶୀ ଖୁଣ୍ଟେ

         ଝୁଲେଇଲେ ନିଜ ବେକ |

ପଙ୍କରୁ ପଦ୍ମ ଜାତ ହେଲାପରି

        ଏକ ଅନ୍ଧାରୀ ମୁଲକରେ,

ଜନ୍ମ ନେଇଥିଲେ ସେ ବାଜି ରାଉତ

         ଆମେ ପରାଧୀନ ଥିବା କାଳେ |

ଅନ୍ତ ନୁହେଁ ଏହା ବୀରଙ୍କର ବାଣୀ

         ଏ କବିତାରୁ ମଧ୍ୟ ବଞ୍ଚିତ,

ସେ ସମସ୍ତ ବୀର ପାଇଁ ଆଜି ଆମେ

          ଓଡ଼ିଆ ବୋଲି ଯେ ଗର୍ବିତ |