ସ୍ୱାଧୀନତା ଦିବସ

ସ୍ୱାଧୀନତାର ପାଞ୍ଚସ୍ତରୀ ବରଷରେ                

ଶପଥ ନେବା ଭାରତବାସୀ!                    

ଶିକ୍ଷା, ସଂସ୍କୃତି, ଜ୍ଞାନ, ବିଜ୍ଞାନ, କୃଷି                

ଦେଶେ ହିତେ କରିକାମ ରଖିବା ସୁନାମ !           

ଜାତି, ଧର୍ମ ମିଶି ଦେଶେ ହିତେ ମିଟାଇ ସକଳ କଳି      

ଦେଶ ମଂଗଳେ କାମ, ଅଟେ ଆମରି ବାର୍ତ୍ତା !          

ନ ସହିବା ଲାଞ୍ଚନା ଓ ଅପମାନ                 

ସ୍ୱାଧୀନତାର ଅର୍ଥ ନୁହଁ ଶାସକର ଗୁଣ ଗାନ  !        

ସ୍ୱାଧୀନତାର ଅର୍ଥ ଭୋକିଲା ପେଟରେ ଭାତ          

ଶୋଷିତର ଆଶା ଓ ଗରିବର ଭରୋସା  !           

ଫାଶି ଖୁଣ୍ଟେ, କରାଗାରେ ଶୂଳିରେ, ଗୁଳିରେ          

ଯୁଗେ ଯୁଗେ କାଳେ କାଳେ ପ୍ରତିଟି ଅନ୍ତର ତଳେ   !     

ସ୍ୱାଧୀନତା ମୃତ୍ୟୁକୁ ଅମୃତ କରେ                 

କାଳେ କାଳେ ଗାଇଯାଏ ଅମୃତ ସଙ୍ଗୀତ !          

ସ୍ୱାଧୀନତା ଅର୍ଥ ନୁହଁ ତିଳେ ତିଳେ ମୃତ୍ୟୁ             

ଆଉ ପ୍ରାଣ ଭରା ଭୟର ରାଜୁତି   !              

ସ୍ୱାଧୀନତା ଏକ ଅନୁଭବ, ମଧୁମୟ ଜୀବନର ସ୍ୱାଦ      

ସ୍ୱାଧୀନତା ଖୁଦିରାମ ରକ୍ତର ଚନ୍ଦନ  !            

ସ୍ୱାଧୀନତା ରକ୍ତ ତିର୍ଥ ଜାଲିଆବାଗ                

ସ୍ୱାଧୀନତା ସଂଗ୍ରାମିଙ୍କ ରକ୍ତ ଭିଜା ମାଟି !            

ସ୍ୱାଧୀନତା ଗାନ୍ଧିଜୀଙ୍କ ଦାଣ୍ଡି ଅଭିଯାନ             

ସୁବାଷ ବୋଷଙ୍କର  ଦିଲ୍ଲୀ ଚଲୋ ଡାକ !            

ସ୍ୱାଧୀନତା ବିପ୍ଳବର  ଖର ଅଗ୍ନି କଣା              

ବକ୍ସି ପାଟଶାଣିଙ୍କ ଆନ୍ଦୋଳନ!                

ସ୍ୱାଧୀନତାରେ ବୀର ସୁରେନ୍ଦ୍ର ସାଏଙ୍କ ଖଡ୍ଗ           

ବିଦ୍ରୋହ ଜୟ ରାଜଗୁରୁଙ୍କ ବିଦ୍ରୋହ ଘଟଣା !        

ସ୍ୱାଧୀନତାରେ ବିର୍ସା ମୁଣ୍ଡାଙ୍କର ଆଗ୍ନେୟ ଶପଥ        

ଭାରତମାତାର ସୁପୁତ୍ର ମାନଙ୍କର ବିରତ୍ୱର ଗାଥା !