ସ୍ୱାଭିମାନୀ ଶ୍ରେଷ୍ଠ ଓଡ଼ିଆ

ଉତ୍କଳ କଳିଙ୍ଗ ସୁପ୍ତ ସିଂହ ସମ

   ଶୋଇ ରହିଥିଲା ନିଘୋଡ଼ ନିଦେ

ହେ ମଧୁସୂଦନ କୁଳବୃଦ୍ଧ ହୋଇ

   ଜଗାଇଲ ଦୃପ୍ତ ପଦ ଓ ପାଦେ ।

ଜାତି ପ୍ରେମ ବହ୍ନି କଲ ପ୍ରଜ୍ଜ୍ୱଳିତ

    ଆରମ୍ଭ କରିଲ ମହାନ ଯଜ୍ଞ

କୋଟି କୋଟି କଣ୍ଠେ ଜନନୀ ଜନନୀ

    ସ୍ଫୁରିଲା ଉଚ୍ଚାଟେ ଅଗ୍ନି ସ୍ଫୁଲିଙ୍ଗ ।

ସ୍ୱାଭିମାନୀ ତୁମେ ଉତ୍କଳ ଗୈ।ରବ

     ସ୍ୱତନ୍ତ୍ର ପ୍ରଦେଶ ତୁମରି ସ୍ୱପ୍ନ

ସଫଳ ତୁମରି ନେତୃତ୍ୱ ବଳରେ

     ହୋଇଛି ହାସଲ ମଧୁସୂଦନ ।

ଭାଷା ଆନ୍ଦୋଳନେ ତୁମେ କର୍ଣ୍ଣଧାର

     ଧୀଶକ୍ତି ସମ୍ପନ୍ନ ତୀକ୍ଷ୍ଣ ବୁଦ୍ଧି

ତୁମେ ଜାତିପ୍ରାଣ ଉତ୍କଳ ସନ୍ତାନ

     ଶ୍ରେଷ୍ଠ ସଙ୍ଗଠକ ଅପ୍ରତିଦ୍ୱନ୍ଦ୍ୱୀ ।

ତୁମ ପରାମର୍ଶ ବିଚାର ବିମର୍ଷ

     ଗୈ।ରବର ଗାଥା ଉଚ୍ଚ ଆଦର୍ଶ

ତ୍ୟାଗ ନିଷ୍ଠା ତୁମ ଉଜ୍ଜ୍ୱଳ ଦୃଷ୍ଟାନ୍ତ

    ସ୍ୱର୍ଣାଭ ଅକ୍ଷରେ ଉଦ୍ଘୋଷେ ଯଶ ।

ଧନ୍ୟ ରଘୁନାଥ ଜନନୀ ପାର୍ବତୀ

     ଗୋବିନ୍ଦ ବଲ୍ଲଭ ଧନ୍ୟ ସୁପୁତ୍ର

ଜନ୍ମ ବାରବାର ଉତ୍କଳ ମାଟିରେ

     ଗୁଞ୍ଜୁ ସଞ୍ଜୀବନୀ ମୁକତି ମନ୍ତ୍ର ।

      -----