ରତ୍ନାକର ଚଂପୂ (ଯ)

ରାଗ ବରାଡି

ଯଦୁମଣି ଯିବେ ପୁଣି ଯାମିନୀ ନ ସରେ ଆଉ ନାହିଁ ନାଡି (ପଦ)

ଯନ୍ତର କି ଜାଣୁ ଯେବେ,ଯେମନ୍ତ ହୋଇଲେ ଜବେ,

ଯାତ୍ରା ଅନୁକୂଳମୂଳ ଦେ ଉପାଡି (1)

ଯୁଗ୍ମ ନୋହିଥିଲେ କ୍ଷଣେ, ଯୁଗୁଁ ମୁଁ ଅଧିକ ମଣେ,

ଯୁବଚନ୍ଦ୍ର ତ ଆମ୍ଭର ଲାଗି ଶାଢୀ (2)

ଯମରୁ ଦାରୁଣ ମାରଯବନଶର ପ୍ରହାର,

ଯାତନାକୁ କେ ଆମ୍ଭର ଦେବ ଆଡି (3)

ଯୁବ ତ୍ରିନେତ୍ର ଅଞ୍ଜନ,ଯାମଳତରୁଭଞ୍ଜନ,

ଯେବେ ଯିବେ ନୋହିବେଟି କେ ଆଗାଡି (4)

ଯତ୍ନେ କବିରବି ବୋଲେ, ଯୋଗଥିଲାଏ କି ଭାଲେ,

ଯାବନ୍ତ ତେଜିଲା ତହିଁ କରତାଡି (5)