ରତ୍ନାକର ଚଂପୂ (ଣ)

ରତ୍ନାକର ଚଂପୂ

ଚୌପଦୀ ରତ୍ନାକର

ଣ

ରାଗ - ପୂରବୀ

ଅନାଇ ନାହିଁ ନାଗରମଣିକି ମୁଁ କାଳେ (ପଦ)

ଅନେକ ପ୍ରକାରେ ପ୍ରେମ, ଆଚରେ ଅତସୀଶ୍ୟାମ,

ଅଙ୍ଗୀକାର କରିନାହିଁ କାଳେ (1)

ଅହିତ ଜନ ନ ସହେ, ଅପବାଦ କଥାକହେ,

ଅଛି ଏହା ଲେଖା ମୋ କପାଳେ (2)

ଅମୃତ ବାଣୀ ବିଳାସେ, ଅନଙ୍ଗ ମୋହନ ବେଶେ

ଉପବନେ ଅୟନ ଓଗାଳେ (3)

ଆଉ କେତେ କେତେବେଳେ, ଅମ୍ଳାନ କେତକୀ ଦଳେ

ଅରଜି ବନାଇ ବନୁ ଚାଳେ (4)

ଅତର୍କିତ ଜାଣି କାଳ, ଅଙ୍କିତ କରେ ମୋ ଗଳ,

ଆପଣେ ଗୁନ୍ଥିବା ଫୁଲମାଳେ (5)

ଅଘ୍ରିଂକି ମୋ କବି ଭାନୁ ଅଟକି ଭଜିବା ଦିନୁ,

ଅଲଘ୍ୟଂ କରି ମୁଁ ପରିପାଳେ (6)

କବିସୂର୍ଯ୍ୟ ବଳଦେବ ରଥ