ରତ୍ନାକର ଚଂପୂ (ଦ)

ରାଗ - ହସନ୍

ଦରହାସି, ଦମ୍ଭତୋୟମୟ ଜଳରାଶି ରେ (ପଦ)

ଦୂରୁ ହେଲେ ନଟବର, ଦେଖା କେଭେ ନାହିଁ ତୋର, ଦଶନବ୍ରଣ

ଅଧର ଦଳେ ବିଳସେ କାହାର, ଦୟାବତି ତୁ କେଡେ ସାହସ ରେ (1)

ଦର୍ପକ ଦର୍ପଦଳନ, ଦିବ୍ୟ ପରିମଳ ଧନ ଦେହରେ ଦୋର୍ମୂଳ

ସ୍ତନଦ୍ୱୟରେ ନଖଲାଞ୍ଛନ, ଦଇବ କି, ଦେଇଗଲା ଆସି ରେ (2)

ଦିବାନିଶି ତ ମୁଁ ତୋର ଦେହ ବିହିଲୁ ଯେ ପର, ଦିନେଶତନ୍ନୟା ତୀର,

ଦ୍ରୁମଦୋହଦ ନିଜର,ଦରବାରେ, ହେଲୁଣି ଦୋଭାଷୀ ରେ (3)

ଦୁଇଚରଣ ସାରସେ ଦେବାର ଶିଖଣ୍ଡ ଶେଷେ, ଦେଖିଲି ଯାବକ ରସେ,

 ଦୋଷ କି କିଶୋରର ସେ, ଦ୍ରବି କବିରବି ଅଛି ଭାଷି ରେ (4)