ରଥଯାତ୍ରା

ଆଷାଢ଼ ଶୁକ୍ଳ ଦ୍ଵିତୀୟା ତିଥିରେ

ରଥଯାତ୍ରା ପ୍ରଭୁଙ୍କର,

ଚତୁର୍ଦ୍ଧା ମୁରତୀ ରଥପରେ ବସି

ଯାଆନ୍ତି ଗୁଣ୍ଡିଚାଘର ।

ଜନ୍ମ ବେଦି ସେ ତାଙ୍କର,

ବରଷକେ ଥରେ ବୁଲିଯିବା ପାଇଁ

କଥାସେ କେଉଁ ଯୁଗର l

ଦେବଦଳନରେ ସୁଭଦ୍ରାଙ୍କ ସହ

ରକ୍ଷାକାରୀ ସୁଦର୍ଶନ,

ତାଳଧ୍ଵଜ ପରେ ବଲଭଦ୍ର ବିଜେ

ନନ୍ଦିଘୋଷେଜଗା ଆମ l

ନନ୍ଦିଘୋଷ ରଙ୍ଗ ନାଲି ହଳଦିଆ

ଚକତାର ଯେ ଷୋହଳ,

ତାଳଧ୍ଵଜ ରଙ୍ଗ କଳା ଓ ଶାଗୁଆ

ଚଉଦ ଚକ ଗହଳ l

ସୁଭଦ୍ରାଙ୍କ ରଥର ରଙ୍ଗ ହୋଇଥାଏ

ନାଲି ଆଉ କଳା ମିଶି,

ଚକଟି ତାହାର ବାଆର ଅଟଇ

ସବୁମିଶି ବୟାଲିଶି l

ଚୌରାଶୀ ଚକର ଅଟେ ଏହି ଯାତ୍ରା

ଯିବା ଆସିବା କୁ ମିଶି,

ଦର୍ଶନ କରିଲେ କେତେ ଜନମର 

ପାପ ଯାଇଥାଏ ନାଶି l

ରଥପଥ ସବୁ ସଜ ହୋଇଲାଣି

ବାଜିବ କେତେଯେ ବାଜା,

ଗୁଣ୍ଡିଚା ଦିନ ପହଣ୍ଡିରେବିଜେ 

ହୋଇବେ କାଳିଆ ରଜା l

ସଙ୍ଗରେ ଭଉଣୀ ଭାଇ,

ଗୁମୁଟ ଭିତରୁ ବାହାରି ଆସିବେ

ମଥାରେ ଟାହିଆ ନାଇ,l

ସୁଦର୍ଶନ ଭଦ୍ରାବିଜେ,

ବଡ଼ଭାଇ ଙ୍କର ଆସିଯିବାପରେ

ଆସିଥାନ୍ତି ଶେଷେ ନିଜେ l

ତିନିରଥେ ଛେରା ପହଁରା କରିବେ

ଗଜପତି ମହାରାଜା,

ଭକ୍ତ ମାନେ ରଥ ଟାଣି ଟାଣି ନେବେ

ଦଉଡି ହେଲାଣି ସଜା ।

ବଡ଼ ଦାଣ୍ଡେ କେତେ ସଂକୀର୍ତ୍ତନ ଦଳ

ଭଜୁଥିବେ ହରିନାମ,

ଗୋଟି ପୁଅ ନାଚ ବନାଟି ଖେଳରେ

କମ୍ପୁଥିବ ପୁରୀ ଧାମ ।

ସରଗ ପୁରୀରୁ ଆସି 

ଦେବ ଦେବୀ ମାନେ ଦରଶନ କରି 

ମନେ ହେଉଥିବେ ଖୁସି l

ଘରଘର ନାଦେ ରଥ ଚାଲୁଥାଏ

ବଡ଼ ଦାଣ୍ଡ ଦୁଲୁକେଇ,

ଜନ୍ମ ବେଦିରେ ପହଞ୍ଚିଯାଆନ୍ତି 

ଗୁଣ୍ଡିଚାମା ଥାନ୍ତି ଚାହିଁ l

ଆଡ଼ପ ମଣ୍ଡପେ ବିଜୟ ହୁଅନ୍ତି

ନୀତିକାନ୍ତି ହୋଇଥାଏ,

ଆଡ଼ପ ଅଭଡ଼ା ପ୍ରଭୁଙ୍କ ପାଶରେ 

ସେଇଠାରେ ଲାଗିଁହୁଏ l

ହେରା ପଞ୍ଚମୀ ରେ ଲକ୍ଷ୍ମୀଠାକୁରାଣୀ

ରାଗେ ହୋଇ ଜର ଜର,

ରଥ କାଠ ଭାଙ୍ଗି ବାହୁଡ଼ି ଆସନ୍ତି

ଅଭିମାନେ ଶ୍ରୀମନ୍ଦିର l

ବାହୁଡନ୍ତି ପ୍ରଭୁ ବାହୁଡା଼ ଯାତ୍ରାରେ

ଭାଇ ଭଉଣୀଙ୍କୁ ନେଇ,

ବାଟେ ରହି ଟିକେ ମାଉସୀ ମନ୍ଦିରୁ

ପୋଡପିଠା ଭୋଗ ଖାଇ,

ବଡଦାଣ୍ଡେ ହୋଇ ସୁନାବେଶପୁଣି 

ଅଧର ପଣା କୁ ପାଇ l

ନବଦିନ ଯାତ୍ରା ସାରି,

ଫେରିଆସିଥାନ୍ତି ବଡ଼ ଦେଉଳକୁ

ପ୍ରଭୁ ନିଳାଦ୍ରୀ ବିହାରୀ l