Library
Profile
ରଥ ପଥ ଜଗନ୍ନାଥ
ରଥ ପଥ ଜଗନ୍ନାଥ
ରଥ ପଥ ଜଗନ୍ନାଥ
ଗାଉଛନ୍ତି ଶୁଭ ମଙ୍ଗଳ ସଙ୍ଗୀତ
ସ୍ୱାଚ୍ଛନ୍ଦ୍ୟ ମୁକତି ମନ୍ତ୍ର
ଆଜି ଶ୍ରୀକ୍ଷେତ୍ରେ ଗୁଣ୍ଡିଚା ଯାତ ।
ସଜ ହୋଇଅଛି ତିନିଗୋଟି ରଥ
ନନ୍ଦିଘୋଷ ତାଳଧ୍ଵଜ
ଦେବଦଳନରେ ବିଜେ ସୁଦର୍ଶନ
ଶ୍ରୀଦେବୀ ସୁଭଦ୍ରା ମାତ
ବାଜୁଛି କାହାଳୀ ଘଣ୍ଟ
ଦାରୁକ ମାତଳୀ ଅର୍ଜୁନ ସାରଥି
କୁହାଟେ ଡାହୁକ ଗୀତ ।
ଆଜି ଶ୍ରୀ କ୍ଷେତ୍ରେ ଗୁଣ୍ଡିଚା ଯାତ ....
ଚାଲନ୍ତି ଆଗରେ ଭ୍ରାତ ବଳରାମ
ମଧ୍ୟେ ଭଗ୍ନି ସୁନାଚାନ୍ଦ
ଗହଳୀ ଲଗାଇ ଆସୁଥାନ୍ତି ପଛେ
ଭାବଗ୍ରାହୀ ଭଗବାନ
କାଳିଆ ଜଗତନାଥ
ନିର୍ନିମେଷ ତାର ଚକାନୟନକୁ
ଚାହିଁ ଦେଲେ ହରେ ଦୁଃଖ ।
ବିଜେ ତିନିରଥେ ଚତୁର୍ଦ୍ଧା ମୂରତି
ବିଶ୍ୱ ସର୍ବ ଦେବାଦେବୀ
ଗନ୍ଧର୍ବ କିନ୍ନର ଯକ୍ଷ ନରନାରୀ
ଜାତି ଧର୍ମ ବର୍ଣ୍ଣ ଭୁଲି
ଟେକି ଶୂନ୍ୟେ ଦୁଇ ହାତ
କରନ୍ତି ଗୁହାରୀ ରଖ ମହାବାହୁ
ଜୟ ଜୟ ଜଗନ୍ନାଥ ।
ନାଶ ହେଉ ତମ ଘୋର ଅନ୍ଧକାର
ହି°ସା 6ଦ୍ୱଷ ଅହଙ୍କାର
ଚଳୁ ବଡ଼ଦାଣ୍ଡେ ଜାତି ନନ୍ଦିଘୋଷ
ହସୁ ପରିବାର ଘର
ଜୀବନ ହେଉ ସ୍ୱଚ୍ଛନ୍ଦ
ମିଳୁ ସୁଖ ଶାନ୍ତି ସୁଗତି ମୁକତି
ପରମ ପ୍ରେମ ଆନନ୍ଦ ।।
