ରୋକିବା ଧ୍ବଂସାଭିମୁଖୀ ଗତିକୁ

ସମୟ ଧାଉଁଛି ତାର ଧାରାରେ,

ଆଜି ଧନୀ, ଅତି ମାନ ଗରଵ କରେ ।

କାଲି ନଥିବ, ଜ୍ଞାନୀ ଏହା ବୁଝିଛିରେ,

ସମୟ ଗଡୁଛି ପରା ତା କାଳଚକ୍ରରେ ।

ଦିନୁ ଦିନ ଭାଗ୍ୟ ଭଗବାନ ନାମରେ 

ନିଜ କର୍ମ ଭୁଲି ଯାଇ ଲିପ୍ତ ଅକର୍ମରେ।

ମଣିଷ ପଣିଆ ଧର୍ମ ଭୁଲି ହୃଦୟରେ

ପ୍ରକୃତିର ପରିବେଶ ନଷ୍ଟ କରିଛରେ ।

ମଣିଷ ପଣ ମଣିଷଟା ଯଦି ନବୁଝିଲା

ଜ୍ଞାନ ବିଜ୍ଞାନକୁ ବିନାଶରେ ଲଗାଇଲା ।

ତାର ଫଳ ନିଶ୍ଚୟ ଆମେ ଭୋଗିବା,

ପ୍ରକୃତିର ତାଣ୍ଡବ ନୃତ୍ୟ ତ ଦେଖିବା ।

ପ୍ରକୃତି ରୋଷରେ ଝଡ଼ି ବର୍ଷା ହେଉଛି

ଅଂଶୁଘାତରେ କେତେ ପ୍ରାଣ ନେଉଛି ।

ବରଷା ବଢ଼ି କେତେ ଅନ୍ଧାର ଘୋଟୁଛି

ହିମ ସ୍ରୋତରୁ ତ ସ୍ଖଳନ ହେଉ ଅଛି ।

ମୃତ୍ୟୁ, ଭିନ୍ନ ଭିନ୍ନ ରୂପରେ ଆସୁଛି

ହା ଅନ୍ନ ଚିନ୍ତାରେ ମନ ଘାରି ହେଉଛି ।

ଆଜି ଜୀବନ ଧାରା କିଆଁ ହୁଏ ଅଚଳ

ଭାବିଛ, ଭଉଣୀ ଭାଇ, ପାଅ ବିଷ ଫଳ ।

ସ୍ନେହ, ପ୍ରୀତି, ପ୍ରେମ, ସମତା ନାହିଁ

ଭୁଲି ଯାଉଛି ମଣିଷତ୍ୱ ସ୍ବାର୍ଥର ପାଇଁ ।

ଦୁର୍ବଳ ଉପରେ ଚାଲେ ଅତ୍ୟାଚାର

ହୋଇଛି ଶସ୍ତା ମଣିଷଠୁ ମୃତ୍ୟୁର ।

ଭୋଟ ହୋଇଛି ଏବଂ ‌ହେଉଥିଵ

ପୁଂଜିପତି ନେତା ଆସିଛି, ଆସିବ ।

ସାଜିବେ ଭୋଟ ସମୟର ଦାତା

ପୁଂଜିପତିଙ୍କ ପଇସାକୁ ପାଇବେ ଜନତା ।

ବର୍ଷ ବର୍ଷ ହେବେ ପୁଣି ଶୋଷିତ 

ଶୁଣିବା ଭାଗ୍ୟ ଭଗବାନର ଗଣିତ ।

ପୁଣି ପରିବେଶ କରିବେ ଧ୍ଵଂସ

ସକଳେ ଗତି କରିବା ଆମର ସର୍ବନାଶ।

ତେଣୁ ଆସ ସଜାଡିବା ଆମ ନିଜକୁ

ଭାଂଗିବା ପୁଂଜିପତିର ଧ୍ବଂସାଭିମୁଖୀ ଗତିକୁ ।