ରଙ୍ଗର ଖେଳ
ରଙ୍ଗର ଖେଳ
ବିଧାତା ରଚିଛି ସୃଷ୍ଟିକୁ, ଭରିଛି ସେଥିରେ ଅନେକ ରଙ୍ଗ
ସେହି ରଙ୍ଗ ସବୁ ପ୍ରତୀକ ଅଟଇ ଆମ ଜୀବନଯାତ୍ରାର,
ଭୁଲିଗଲେ ମଧ୍ୟ ମଣିଷ, ସେହି ରଙ୍ଗ ତ ଭୁଲେନା
ଲିଭିଗଲେ ରଙ୍ଗ ଅଦୃଶ୍ୟରେ ରହି ଦିଏ ତାର ହାତଠାର |
ଯୁଗ ପରେ ଯୁଗ କେତେ ବିତିଗଲା, ଯାଇନି ରଙ୍ଗ
ସେଥିପାଇଁ ବରଷକେ ଥରେ ଆସି ଖେଳେ ଫଗୁ ପରବରେ,
ଭିନ୍ନ ଭିନ୍ନ ସବୁ ଏକସଙ୍ଗେ କରନ୍ତି ରଙ୍ଗର ଖେଳ
ବଡ଼ ଉତ୍ସାହରେ ଯୁବ ବର୍ଗ ହୃଦୟ ଜିତନ୍ତି ସୃଜନଶୀଳତାରେ|
ସବୁ ରଙ୍ଗ ପରି ନିଆରା ଅଟଇ କମଳା ରଙ୍ଗ ପ୍ରତୀକ ଅଟଇ ସୃଜନଶୀଳତାର ଆଉ ଯୁବଗୋଷ୍ଠୀର ସହ ଉତ୍ସାହର,
କେତେ କେତେ କୀର୍ତ୍ତିମାନ ସ୍ଥାପନା କରନ୍ତି ଏହି ଜଗତରେ
ଏହି ରଙ୍ଗର ଖେଳ ସାକ୍ଷୀ ଏକ ଭିନ୍ନ ଆନନ୍ଦର |
ଭାବି ଥରେ ଦେଖ ବିଧାତାର ଏହି ସୁନ୍ଦର ରଚନାକୁ
ରଙ୍ଗର ସାର୍ଥକତା ସ୍ଥାପିଛି ବି ବୃକ୍ଷ ଲତା ମଧ୍ୟରେ,
ଏହି କମଳା ରଙ୍ଗ ଏକ ଫଲର, ରହିଥାଏ ସବୁଜତାରେ
ନିଜର ଅସ୍ତିତ୍ୱ ବଜାଇ ରଖେ ମଧ୍ୟ ରଙ୍ଗର ଖେଳରେ |
ଦେଇ ଥାଏ ଶିକ୍ଷା, ଭରି ମନରେ ଅନେକ ଉତ୍ସାହ
ସୃଜନଶୀଳତାକୁ ଦିଏ ଭିନ୍ନ ମାନ୍ୟତା ଏହି ଦୁନିଆ ଦୁଆରେ,
ଯୁବ ପିଢ଼ିକୁ ସଦା ଜାଗ୍ରତ କରାଏ ବିକାଶମୁଖୀ ହେବାରେ
ଏହି ରଙ୍ଗର ଖେଳ ଆଣେ ଭିନ୍ନ ମୋଡ଼ ଚେତନାରେ |