ବାହୁଡ଼ା ଯାତ୍ରା

ବାହୁଡ଼ି ଆସିବେ  କାଳିଆ ସାଆନ୍ତ

  ଶରଧା ବାଲିରେ ରଥ

କେତେ ଭକତଙ୍କ ଗହଳ ଚହଳ

    ଅନାଇ ରହିଛି ପଥ।

ହେରା ପଞ୍ଚମୀରେ ଲକ୍ଷ୍ମୀ ସାଆନ୍ତାଣୀ

    ଆସିଥିଲେ ଏକାକିନୀ

ଗଲାବେଳେ ଗଲେ  ରାଗ ତମତମ

    ଚକ ଭାଙ୍ଗି ଅଭିମାନୀ।

ତିନିରଥ ଏବେ  ଦକ୍ଷିଣ ମୋଡରେ

    ଭକତେ ଅଛନ୍ତି ଚାହିଁ

ଦାରୁକ ମାତଳୀ  ଅର୍ଜୁନ ସାରଥୀ

    ଅପେକ୍ଷାରେ ଛନ୍ତି ରହି।

ଡାହୁକ ଡାକୁଛି କେତେଭାବେ ବୋଲି

    ଶୁଣ ହେ ଭକତେ ଶୁଣ

ଶ୍ରୀ ଜଗନ୍ନାଥଙ୍କ ରାଣ ଖାଉଅଛି

    ଆନନ୍ଦେ ରଥକୁ ଟାଣ।

ଡାକେ ଶ୍ରୀମନ୍ଦିର ରତ୍ନ ସିଂହାସନ

   ଲକ୍ଷ୍ମୀ ବେବୀଙ୍କର ମାନ

ସବୁ ଆଶା ସ୍ବପ୍ନ ପୂରଣ କରିବେ

   ପ୍ରଭୁ ମୋ ଜଗ ମୋହନ।