ଲାଇବ୍ରେରୀ
ପ୍ରୋଫାଇଲ୍
କାର୍ତ୍ତିକ
କାର୍ତ୍ତିକ
କାର୍ତ୍ତିକର ପହିଲି ଆରମ୍ଭ
କୁମାର ପୂର୍ଣ୍ଣମୀ କହି
ହବିଷ ପାଳିବେ ଜେଜେ ଜେଜେମା
ନାତି ନାତୁଣୀ ନାଚନ୍ତି ତାଥେଇ
ଅରୁଆ ସାଙ୍ଗକୁ ମୁଗ ସାରୁ କଦଳୀ ଡ଼ାଲମା
ପତରେ ବାଢି ଦେଇ
ଜେଜେ ଅଜା ଆଈ ଜେଜେମାମାନେ
କାର୍ତ୍ତିକ ବ୍ରତ ପାଳଇ
ଅଗସ୍ତି ଶାଗ କନ୍ଦମୂଳ ସାରୁ ଦେଶିଆଳୁ
ପରିବା ପତର ଖାଇ
ପାକୁଆ ପାଟିରେ ଆକାଶ ଦୀପକୁ ଚାହିଁ
ବୁଢା ବୁଢ଼ୀଙ୍କ ଶୁଭ ଦିନ କଟଇ
ନାତି ନାତୁଣୀଏ ଚାହିଁଥାଆନ୍ତି
ହବିଷ ବାସନା ପାଇ
ମାଆ ଜେଜେ ଆଈ ଅଜାଙ୍କ ଡାକକୁ
ପାଳି ତାଙ୍କ ଆସିବ ହବିଷ ଖାଇବା ପାଇଁ
ନିଆରା ସୁଆଦ ହବିଷ ଭାତର
ଅବଢ଼ା ସୁଆଦ କାହିଁ
ଶୁଖିଲେ ନିର୍ମାଲ୍ୟ ଅନ୍ନ ଅବଢ଼ା ଡାଲି ବେସର
ଖାଇଛି ଯିଏ ଜାଣିଛି ଏକା ସେହି
କାର୍ତ୍ତିକ ମାସରେ କେତେ ପର୍ବ ପର୍ବାଣୀ
ଦୀପାବଳୀ କାର୍ତ୍ତିକପୂର୍ଣ୍ଣମୀ ନେଇ
ଆସିଛି କାର୍ତ୍ତିକ ପୂର୍ଣ୍ଣମୀରୁ ଆରମ୍ଭ
କୁମାର ପୂର୍ଣ୍ଣମୀ କହି
ସରିବ ଏ ମାସ କାର୍ତ୍ତିକ ପୂର୍ଣ୍ଣମୀ ଦିନରେ
ଡ଼ଙ୍ଗା ଭଷାଇବା କଦଳୀ ପଟୁକା ନେଇ
କହିବା ଆ କା ମା ଭୈ ପାନ ଗୁଆ ଥୋଇ କହି
ଶେଷ ହୋଇଯିବ କାର୍ତ୍ତିକ ମାସ ଚାହୁଁ ଚାହୁଁ
ପହିଲି କାର୍ତ୍ତିକ ଆଣିଛି କୁମାର ପୁନେଇଁ
ହସ ଖୁସିରେ ଜଣାଣ ଯିବା ଗାଇ
