ଜଗନ୍ନାଥ ରୁହ ସଂପର୍କରେ

ମୁଁ ଅନ୍ଧାରରେ

ତୁମ ଆଧାରରେ

ବାଡ଼ି ଧରିନାହିଁ ଜୀବନରେ

କେବେ ଥରେ

ଅଣଚାଷ ଆସିନାହିଁ

କେବେ ନିଶ୍ଵାସରେ

ଭରସା କରିନି କାହାକୁ ବାରେ

ଗୁହାରୀ ତୁମକୁ କରେ

ଚନ୍ଦନ ତିଳକ ନାଇନି ମଥାରେ

ବଡ଼ଦାଣ୍ଡ ଧୁଳି ମୋ ମୁଣ୍ଡରେ

ପତିତ ପାବନ ବାନା ମୁଁ

ଦେଖୁଛି ଭରସାରେ

ତୁମ ଦର୍ଶନେ ବିଭୋର

ଗାଏ ହରେ ମୁରାରି ହରେ

ଗୋବିନ୍ଦ ଗୋପାଳ ହେ ନୀଳମାଧବ

ଚାହଁ ବାରେ ମୋରେ

ପୁଣ୍ୟ ମୁଁ କରିନି ପାପ ମୁଁ

କରିଛି ଯେତେ ଜୀବନରେ

ଅଜାମିଳ ପରି ତରି ଯାଏ ହରି

ଅନ୍ଧର ଲଉଡ଼ି ହୁଅ ବାରେ

ଓଁ ମୁଁ ଲେଖୁଛି ଶ୍ରଦ୍ଧାରେ

ମନ ମୁନ ଚୈତନ୍ୟରେ

ପରଂବ୍ରହ୍ମ ମୁଁ ଜପୁଛି

ନିତ୍ୟ ସକାଳେ ସଞ୍ଜରେ

ଚକାଆଖୀରୁ ମୁଁ ଭରସା ପାଉଛି

ରଖ ବାରେ ମୋରେ

ସଂସାରେ ସଂସାରୀ ତୁମେ

ମୋ ନାଉରୀ ହରେ ହରେ।