ମିଳାଇ ଯାଇଥିବା ଝଡ

ମନ ମୌସୁମୀ ଆଗମନରେ

ସୁଦୂର ପ୍ରଭାବୀ ଝଡ ବାତ୍ୟା ବଢ଼ି

ଥାଏ ଚିତ୍ତ ବୃତ୍ତି ଭାବରେ

ପ୍ରବଳୁ ପ୍ରବଳ ବରଷି ସେଠାରେ

ମନ ପ୍ରାଣ ଆକର୍ଷଣ

କରାଇ  ମନକୁ ମନ

ବିଚଳିତ କରେ ଝଡର ଭଉଁରୀ ଆସେ

ଯେବେ ଅଚାନକ

ମାତ୍ର ଚିତ୍ତ ବୃତ୍ତି ସମୂହ ବିଲୁପ୍ତ ହେବାର ପରେ 

ଝଡ ବାତ୍ୟା ପ୍ରଭାବିତ କାଳରେ  

ଅଦ୍ଭୁତ କାହାଣୀ ସହିତ ସ୍ମୃତି

ଚିତ୍ତେ ସଙ୍ଗୋପନେ ରହଇ ନିଶ୍ଚଳେ

ନୀରୋଧ କରିଲେ ମନ

ଚଳ ଚଞ୍ଚଳ ସେ କଳ୍ପନା ଗତି ପୁଣି ହୋଇଯାଏ ଶୂନ୍ୟ

ଅତି ଚେତନ ଅବସ୍ଥାରେ 

ଚିନ୍ତାର ପ୍ରବାହ ବନ୍ଦ ହୋଇଗଲେ 

ଝଡ ବାତ୍ୟା ବଢ଼ି ଲୋପ

ବନ୍ଦ ହୋଇ ଉଠେ , ଜୀବନେ ସ୍ବପ୍ନ ଅମାପ ।