ରଥଯାତ୍ରା

ଆଜି ପରା ରଥଯାତ୍ରା

     ଚାଲ ଯିବା ପୁରୀ

ଦେଖିବା ତିନି ଦିଅଁକୁ

     ରଥେ ମନ ଭରି ।

ବଡ଼ ଦାଣ୍ଡେ ଛିଡ଼ା ହୋଇ

       ଟାଣିବା ରଥକୁ

ଜଣାଇବା ମନ କଥା

       ତିନି ଠାକୁରଙ୍କୁ ।

ରଥ ଦଉଡ଼ିକୁ ଭକ୍ତ

       ଦିଏ ଯେବେ ଛୁଇଁ

ପାପ କ୍ଷୟ ହୁଏ ଜନ୍ମ

        ସାର୍ଥକ ହୁଅଇ ।

ପ୍ରତିବର୍ଷ ଭକ୍ତ ଏହି

        ଯାତ ଦେଖିବାକୁ

ଆସନ୍ତି ପୁରୀକୁ ବହୁ

        ଦୂର ଦୂରାନ୍ତରୁ ।

ରଥଯାତ୍ରା ପ୍ରସାରଣ

        ଦେଖାଏ ଟିଭିରେ

ଦେଖନ୍ତି ଟିଭିରେ ଲୋକେ

         ବସି ନିଜ ଘରେ ।

ଭକ୍ତଗଣ ଝାଞ୍ଜ,ଖୋଳ

          ମୃଦଙ୍ଗ ବଜେଇ

ପ୍ରଭୁ ନାମ ଧରି ରଥ

           ନିଅନ୍ତି ଆଗେଇ ।

ବଡ଼ ଦାଣ୍ଡେ ଆଜି ପ୍ରଭୁ

           ରଥାରୁଢ଼ ହୋଇ

ସଂସାରୁ ସକଳ ଦୁଃଖ

            ଦିଅ ହେ ଦୂରେଇ ।