ରକ୍ଷାବନ୍ଧନ

ଦୁନିଆରେ ଅଦ୍ଭୁତ ସମ୍ପର୍କର ଡୋରି

ଭାଇଭଉଣୀଙ୍କ ଅତୁଟ ପ୍ରେମ

ରକ୍ଷାବନ୍ଧନର ରକ୍ଷା କବଚ ସେ

ଭଉଣୀର କିଛି ମାନ ଅଭିମାନ ।

ଭାରତୀୟ ସଂସ୍କୃତି ପରମ୍ପରା କ୍ରମେ

ଯାହା ଅଛି ବିଧିବିଧାନ

ଭାଇର ସ୍ନେହ ଭଲପାଇବା ଆକଟ

ଭଉଣୀର ଅଟେ କୋଟି ସମ୍ମାନ ।

ସେନେହ ମମତାର ବନ୍ଧନ ଟିକକ

ଝଟକୁ ଥାଏ ଭାଇ ହାତରେ

ପତିଜ୍ଞା ଭାଇର ଜୀବନର ଢାଲ

ସଦା ପ୍ରସ୍ତୁତ ବିପଦ ଆଗରେ ।

ରାକ୍ଷୀର ପାଉଣା ଭାଇର ସ୍ନେହ

ଆଣିଦେବ ବୋଲି ସରଗ ଚାନ୍ଦ

ମୁଁହ ଫୁଲେଇ ବସିଛି ସୁନା ଭଉଣୀ

କେତେ ଅଝଟ ମିଛିମିଛିକା କାନ୍ଦ ।

ସାତ ଦରିଆପାରି ହୋଇ ଭାଇ

କାଳେ ଖୋଜି ଆଣିବ ବର

ଡଉଲ ଡାଉଲ ଗୋଟେ ସୁନ୍ଦର

କୋଉ ରାଜ୍ୟ ରାଜକୁମାର ।

ଏମିତି ସମ୍ପର୍କ ଈଶ୍ୱର ବେଭାର

କୋଟିନିଧି ସ୍ନେହ ଡୋର

ଭାଇ ଭଉଣୀର ଅଦୃଶ୍ୟ ବନ୍ଧନ

ସଦା ଅକ୍ଷତ ରହୁ ସଭିଙ୍କର ।