ଅଲୋଡ଼ା ପ୍ରେମ

ଭୁଲିବାକୁ ଚାହେଁ ମୋ ମନୁ ତୁମକୁ 

ହେଲେ ପାରୁ ନାହିଁ ଭୁଲି

ଦୂରେଇ ଦେଲ ପର କରିଦେଇ

ଏକା କରି ଗଲ ଚାଲି ।

ଭାବିଲନି କେମିତି ବଞ୍ଚିବି ଅବା

ତୁମେ ଚାଲି ଗଲାପରେ

ହାରିଯାଏ ମୃତ୍ୟୁ ମୋ ପାଖେ

ତୁମ ସ୍ମୃତି ଆଢ଼ୁଆଳେ ।

ଭୁଲିଗଲ ଆମ ସମ୍ପର୍କ ଡୋରି

କେଉଁ ଲୋଭରେ ମାତି

ଭାଙ୍ଗିଦେଲ ବାଲିଘର ଅବା

ବଡ଼ କୋଠାବାଡ଼ି ଦେଖି ।

ତୁମ ପରିଚୟ ପାଖେ ଭୁଲିଗଲି

ଯେବେ ମୁଁ ନିଜର ଠିକଣା

ଖୋଜୁ ଖୋଜୁ ନିଜେ ହଜିଗଲି 

ଦେଖ ହୋଇଗଲି ବାଟବଣା ।

ବିଚ୍ଛେଦ ଦୁଃଖକୁ ବୋଧେ ଜାଣିନାହଁ

କୋଟି ଘାଟର ସେ ଜ୍ଵାଳା

ହୁଏ ଜର୍ଜରିତ ମନ ଛଟପଟ

ତୁମକୁ ହରେଇ ପରା ।

ମୃତ ଆଜି ଆମ ଅତୀତ ମୁହୂର୍ତ୍ତ

ଜଳିଯାଏ ସ୍ମୃତି ଅନୁଭୂତି

ଟୁକୁଡ଼ା କରି ଚିରି ଦେଲ ହୃଦୟ

ଆଉ କାହା ପ୍ରେମେ ମାତି ।