ରଖିବା ଦେଶର ମାନ

ତ୍ରିରଙ୍ଗାର ତଳେ ସଭିଏଁ ସମାନ

ପରିଚୟ ଭାରତୀୟ

କୋଟିଏ କଣ୍ଠରେ ଗୁଞ୍ଜେ ଏକତାନେ

ଭାରତ ମାତାର ଜୟ ।

ବିଭିନ୍ନତା ମଧ୍ଯେ ଏକତାର ସୂତ୍ରେ

ସୁସଂହତ ଏକ ଲକ୍ଷ୍ଯ 

ପ୍ରଗତିର ପଥେ ଅଗ୍ରସର ଆମେ

ନୀତି ସତ୍ଯ ନିରପେକ୍ଷ ।

ପ୍ରାଚୀନ ଐତିହ୍ଯ ସଂସ୍କୃତି ସମୃଦ୍ଧ 

ଆମ ଧର୍ମ ସୁସଂସ୍କାର 

ମୈତ୍ରୀ ସମନ୍ବୟେ ମଣେ ବସୁଧାକୁ

ଆପଣାର ପରିବାର ।

ଆମ ପରମ୍ପରା ନୈତିକ ଆଦର୍ଶ 

ଗୁଣାତ୍ମକ ଚିନ୍ତାଧାରା

ପ୍ରତିପାଦେ ଉଚ୍ଚ ମର୍ଯ୍ଯାଦା ସ୍ବତନ୍ତ୍ର 

ଭରସା ବିଶ୍ବାସ ଭରା ।

ହୋଇବା ସତତ ଆମେ କର୍ମନିଷ୍ଠ 

ରଖିବା ଦେଶର ମାନ

ଗର୍ବରେ କହିବା ଆମେ ଭାରତୀୟ

ଭାରତ ଦେଶ ମହାନ ।