ରଖ ହେ ଜଗତ ନାଥ

କରୋନା ଭାଇରାଷ୍ ନେଉଛି ନିଶ୍ୱାସ 

   ରଖହେ ଜଗତ ନାଥ

ତମରି କରୁଣା ଦିଅ ଟିକେ ଢାଳି

   ସଭିଏଁ ହୁଅନ୍ତୁ ମୁକ୍ତ ।

ହସୁଅଛି ତମ ନାଲିଆ ନେତ ହେ

   ତମେତ ଅନନ୍ତ ମଣି

କାହିଁକି ବୁଝୁନ ସଂସାର ବଚନ 

  ରହୁଚ କେମିତି ଶୁଣି ।

ତମେ ପରା ସତ୍ୟ ତମେ ପରା ମିତ

    ତମେ ପରା ମୁକ୍ତି ଦାତା

ଆଜି କାହିଁ ତମେ ନିରବେ ଶୋଇଛ

   ହେଉ ନାହିଁ ତମ ଚିନ୍ତା ।

ଶିଶୁ ଠାରୁ ବୃଦ୍ଧା ସଭିଏଁ ଆତଙ୍କ 

   ଆସିଅଛି ମହାମାରୀ

ସହରଠୁ ପଲ୍ଲୀ ହୋଇଛି ନିରବ 

   ଡାକୁଛନ୍ତି ହରି ହରି ।

ଆସ ଆଜି ତମେ ଦେଉଳୁ ବାହାରି

   ରକ୍ଷା କର ଏ ଜଗତ 

କୁନି,କୁନି ଓଠେ ହସ ଦିଅ ଭରି 

  ଆହେ ମୋ ଜଗତ ନାଥ ।

ଏତିକି କରୁଣା ରଖ ଜଗନ୍ନାଥ 

   ମୋର ଡାକ ଟିକେ ଶୁଣ 

ଅଧା ଜୀବନଟା ତୁମ ନାମ ଜପି

    କରିଦେବି ସମର୍ପଣ ।

   ମୋର ଡାକ ଟିକେ ଶୁଣ....।।