ରଜରେ ରଜ

ରଜରେ ରଜ ଆସିଛି ରଜ

  ନେଇ ନୂଆ ସଜ ବାଜ

ପୁର ପଲ୍ଲୀ ଆଜି ଆନନ୍ଦେ ହସୁଛି

 ହସୁଛି ନୂଆ ସୂରୁଜ।

ଗାଆଁ ତୋଟା ମାଳେ ରଜଦୋଳି ଝୁଲେ

   ଝୁଲନ୍ତି କୁଆଁରୀ ଝିଅ

ରଜ ପାନ ଖାଇ ମନେ ଖୁସି ହୋଇ

  ଛୁଟାନ୍ତି ହସର ସୁଅ।

ବସୁମତୀ ମାଆ ରଜସ୍ୱଳା ହୁଏ

  କୃଷକ ଚଷେ ନା ଭୂମି

କୁଆଁରୀ କନ୍ୟା ଏ ମାଟିରେ ନ ଚାଲି

  (ଚାଲନ୍ତି)କଦଳୀ ପଟୁକା ଘେନି।

ବାଳକ ଠାରୁ ଯେ ବୁଢ଼ା ବୁଢ଼ୀ ଯାଏ

  ରଜରେ ହୁଅନ୍ତି ଖୁସି

ଆର ବରଷକୁ ଆସିବାକୁ ରଜ

    ଚାହିଁଥାଆନ୍ତି ସେ ବସି।

   

ଉତ୍କଳୀୟଙ୍କର ପ୍ରିୟ ପର୍ବ ଏହି

  ଖୁସି ବାଣ୍ଟେ ଘରେ ଘରେ

ହସରେ ଖୁସିରେ ସ୍ନେହ ମମତାରେ

  ପ୍ରତିଟି ହୃଦୟ ଭରେ।