ରଜ

ବରଶ କେ ଥରେ

 ଆସଇ ରଜ

ଘେନି ନୂଆ ସଜବାଜ

ନୂଆ ବସ୍ତ୍ର

ନୂଆ ଅଳଙ୍କାର ପିନ୍ଧି

କରିବା ରଜ ମଉଜ

ନୂଆ ବୋହୂ ପାଦେ

 ନାଲି ଅଳତା ଲୋ

ଦିଶୁଥାଏ ଝଟ ଝଟ

ଆମ୍ବ ଗଛ ଡାଳେ

ଦୋଳି ବନ୍ଧା ହୋଇ

ଡାକୁଥାଏ କେଁ କଟ

ରଜ ଆସିଛି ଲୋ

କୁଆଁରୀ ଝିଅ ଟିଏ

ଚଲେନା ଖାଲି ପାଦରେ

ଗୁଆ ର ଖୋଳପା

ବନ୍ଧା ହୋଇଛିଲୋ

ଚାଲିବ ତା ସାଥିରେ

ଘରେ ଘରେ ପୋଡ଼

ପିଠାର ବାସ୍ନା

 ମହକଇ ଦିଏ ଖଣ୍ଡ ମଣ୍ଡଳ

ପହିଲି ରଜରେ 

ମନ ତୋଷ କରେ 

ମାଉଁଷର ଝୋଳ

ଦ୍ଵିତୀୟ ଦିନଟି

 ଭୂଇଁ ନଅଣର ପୂଜା

କୋଡ଼ି କୋଦଳା ଲୁହା ଜିନିଷ

ଧୁଆ ଧୋଇ ହୋଇ

ହୋଇଥାଏ ସାଜ ସଜା

ତୃତୀୟ ରେ ଶେଷ ରଜ

ସରି ସରି ଆସେ ରଜ ମଉଜ

ଘରେ ଘରେ ଜମଇ

ତାଶ ଖେଳ

ଠା ଠା ହୋଇ ବସି 

ହସ ଖୁସି ହୋଇ

ଲୋକେ କରୁଥାନ୍ତି କୋଳାହଳ

ଆମ୍ବ ପଣଷର ବାସ୍ନା

 କେତେ ପିଠା ପଣା

ଭାର ଥୋର ଖାଇ

ମନେ ଭରି ଯାଏ ତୃଷ୍ଣା ।