ରଜ

ଆସିଛି ଏସନ ରଜ,

କରୋନା ପାଇଁକି ନାହିଁଟି ଖୁସି ନାହିଁ ଆଉ ସଜବାଜ |

ଦୋଳିଖେଳ ପାନଖିଆ,

କରୋନା ପାଇଁକି ସମ୍ଭବ ନୁହେଁ ଦୂରରେ ହେଉଛୁ ଠିଆ |

ରଜଦୋଳି ଗୀତ ମଜା,

ମାସ୍କ ପିନ୍ଧିଛୁ ମୁହଁରେ ଯେଣୁ ଶୁଭୁନାହିଁ ଆଉ ତାଜା |

ଗଲାସନ ଆସି ଫଣି,

ଭାଙ୍ଗିଥିଲା କେତେ ରଛ ପତର ଏସନ ୟାସ୍ ପୁଣି |

ବାତ୍ୟାକ୍ଷତି କଲା ଯାହା,

ଆସୁଅଛି ବର୍ଷା ଲଗାଇ ଚାରା ଭରଣା କରିବା ତାହା |

ପ୍ରକୃତିର ଭାରସାମ୍ୟ,

ରହୁନାହିଁ ବୋଲି ଫଣି, କି ୟାସ୍ ଦେଖାଏ ତାହାର କାମ |

କୃଷିଭିତ୍ତିକ ଏ ପର୍ବେ,

ଲଗାଇବା ଚାରା ହସିବ ଧରା ଖୁସିରେ ରହିବେ ସର୍ବେ |

ଋତୁମତୀ ଏବେ ଧରା,

ମଞ୍ଜି ଲଗାଇବା ଯତନକରି ସଅଳ ଉଠିବ ଚାରା |

ଆଉତେବେ କିଆଁ ଡେରି,

କଥାରେ କେବଳ କହିକି ନୁହେଁ ଦେଖାଇବା କାମେ କରି |

ଆସୁଛି ବରଷା ମାସ,

ପାଣିପାଇ ଗଛ ହୋଇଲେ ବଡ ପରିବେଶ ହେବ ସ୍ୱଚ୍ଛ |

ପ୍ରକୃତି ରହିଲେ ସୁସ୍ଥ,

ସୁସ୍ଥ ରହିବ ଏ ଜୀବଜଗତ ରୋଗଠାରୁ ହେବା ମୁକ୍ତ |

ଠାକୁରଙ୍କୁ ଏହିଅଳି,

ଦୂରହେଉ ଶିଘ୍ର କରୋନା ରୋଗ ପିଲାଏ ଖେଳିବେ ଦୋଳି |