ରଜ

ଓଡ଼ିଶା ରାଜ୍ୟର ରଜା ପରବ ଏ

     ବରଷକେ ଥରେ ଆସେ

କେତେ ରକମର ପିଠା ମିଠା ମଧ୍ୟେ

      ପୋଡ ପିଠାଟିଏ ବାସେ ।

ଆମ୍ବ,ଜାମୁ ଆଉ ପଣସର ବାସ୍ନା

       ପ୍ରତି ଘରେ ପାଇ ଥାଉ

ପିଠାପଣା ସହ ଫଳର ସୁଆଦ

       ବୁଲି ଖାଇ ମଜା ନେଉ ।

ନୂତନ ପୋଷାକ ପରିଧାନ କରି

       ହୋଇ ଥାଉ ସଜବାଜ

ରଜ ପାନ ଖାଇ ଓଠୋକୁ ରଙ୍ଗେଇ

       ବୁଲି,କରି ଥାଉ ମଉଜ ।

ନାଚ ଗୀତ ସହ ସାଙ୍ଗ ସାଥି ମେଳେ

        ବିତାଉ ଏହି ତିନି ଦିନ

ଆତ୍ମୀୟତା ବଢେ ପରସ୍ପର ସହ

        କରି ଏହି ପର୍ବ ପାଳନ ।

ରଜର ଶେଷ ଦିନଟିକୁ ପାଳୁ

        ରୂପେ ବସୁମତୀ ସ୍ନାନ 

ଧରଣୀ ମାକୁ ଶୀତଳ କରିବା ଲାଗି

        ବର୍ଷାର ହୁଏ ଆଗମନ ।

ରଜ ମଉଜକୁ ପୋଡ ପିଠା ବଢାଏ

       ତା ସାଙ୍ଗକୁ ଦୋଳି ଖେଳ

ସଭିଙ୍କ ମନକୁ ପାନ ଜିଣି ନିଏ

       ଆନନ୍ଦରେ କଟେ ବେଳ ।